好慘烈，噚晚打咗一篇日記，因為網絡問題，post 唔到……咁我就再打一次啦，不過長話短說。
呢一日係地獄�H一日，我俾manager鬧足一整日，當中我覺得全部都係無理取鬧�H。
朝早佢叫我推番一個地櫃去原位，我話我唔夠力，佢就西哂面咁問：「你試過未呀？我都推得郁喎！」咁我就即席表演我點唔夠力推個櫃。隔咗一陣，佢忽然怒氣沖沖咁走埋嚟，三下就將個櫃推番原位，跟住就喪鬧我，話語知請我返嚟做乜，推個櫃都推唔到，話「我係女仔，你又係女仔，我都推得郁，你有乜理由推唔郁呀？」痴線架，有logic�H人都知呢個「理論」係唔成立架啦，每個人都一樣�H咩，咁我真係推唔郁個櫃喎，有眼睇架啦，請我返嚟搬櫃�H。又話我咩都做唔到，佢講到咁，做咩唔即刻話炒我啫？佢嗱嗱臨請過個幫得手�H人好過啦咁，既然我係可有可無。
Lunch time之後佢都仲未癲完，要搵多兩個位喪鬧我。
佢要見客，叫我搵某同事入去幫佢，某同事同公司其一個阿頭開緊會，我report咗俾佢知，當時佢冇俾任何反應同指示，只係聽完就算。隔咗一陣，一個十足十更年期�H女人就由showroom度伸個頭出嚟怒叫「同我叫XX入嚟呀！」我重複一次某同事開緊會呢個事實，我未講完佢已經失控狂叫「同我叫佢入嚟呀！」真係咩事呀，依家又係我錯呀？係咁需要某同事�H就第一次就同我講要搵佢入嚟啦，又一粒聲都唔出，真係膠都冇人有！
跟手佢叫我去designer度攞一個sample俾佢，入職以來冇人話我知designer同designer房喺邊，問佢都好正常呀嘛，佢又擺出一個西到冇人有�H臭臉表達「有冇搞錯」呢個訊息，兼叫另一位同事去攞。之後佢入咗showroom唔夠一分鐘，就走番出嚟鬧我「下次你唔諗住做�H嘢，唔該你話我知你唔做呀！」痴忍線！係你唔肯話我知designer房喺邊，我冇話唔肯去攞喎，咁忍無理取鬧都得架喎，個朵叫manager真係大哂。
佢鬧完唔知請我返嚟做乜之後，我再次認真考慮轉工，雖然同事叫我唔好quit，點都做夠一年，或者做到佢真係炒我先算，不過佢咁樣無理取鬧法，我好懷疑過唔過到probation囉。呢件事亦令我重新思考我係咪適合做呢行，同事話只係做咗一個月，根本唔會知，但係我聽到Winnie入班�HTraining生活，我覺得自己prefer喺紀律部隊俾人喪鬧，一班人齊上齊落，好過喺公司俾一個膠manager無理針對！
分類: 未分類 | 
