今個周末唔返屋企，因為星期四返咗，同埋聽日要去青磚圍補習。
呢個聖誕我啲補習冇停過，因為啲學生放完假就要考試，個個家長都想我幫啲學生keep住補習，十足十intensive咁款，講真，邊有咁多嘢補，佢哋又唔係成績好差嗰咋，講幾堂都溫完啲重點啦，考得好唔好好睇佢哋自己臨場發揮。雖然勁補習，但係冇錢剩咁滯，聖誕同training camp同我勁放血呀唔該。
終於練返波喇，星期四我唔得閒，所以冇練，今日先開始復操。
哎吔，真係唔得咗呀，原本話有七個女仔架，最尾得四個囉，男仔就得阿榮一個。達sir唔多高興，鬼咩，大家都唔知啲人點解唔嚟，知道原因嗰個又唔講低其他人做咩唔到，其實都唔係第一次係咁架啦，點解都仲唔學精�H呢?講低有邊個嚟，唔嚟嗰啲係咩理由，可以話係例行公事嚟架，唔可以唔記得，次次達sir問起，我哋都口啞啞，真係絕啲講句，話咗俾你聽又唔話俾達sir聽，咁話俾你聽�H意義係咩呢?就係知會你?
有人講咗句說話，都幾講緊事實架。真係好特別架，唔知係咪選擇性聽電話架呢?有事搵你嗰陣硬係唔聽電話，冇留言服務都唔緊要啦，見到「未接來電」真係煩請你回覆，次次都唔覆......唔係話針對你呀，一係你就做得徹底啲，任何「未接來電」都唔好覆，唔好俾人見到你會覆「未接來電」，咁樣會俾到其他人有以上�H錯覺架。而且，我哋搵得你，梗係有正經事先搵你啦，唔通問你「有冇掛住我?」或者「你食咗飯未?」咩。
我都知你已經做咗好多嘢，出咗好多力，或者我同你�H思維模式同做事方式好唔同啦，所以有啲位唔係咁明白點解你會咁。如果你真係唔想麻煩到身邊�H人，同埋唔想令身邊人痛苦，唔使諗得咁雜複�H，做好啲最簡單�H嘢先啦。
練完波，我撩Oli同阿榮去食tea啦，我哋又四點幾坐到差唔多七點呀，係咁傾呀傾，我同Oli夾攻阿榮，盤問佢�H戀愛史，搞到佢幾唔好意思呀，哈哈。跟住Oli又講咗啲好笑嘢啦，佢叫阿榮「你撩我多啲啦!」好大膽�H「表白」呀~~ wakakaka~~~
分類: 未分類 | 
