今個星期係趕paper週，我有成6份paper要交，又開始兩日起一份�H生活。
星期一，臨sem尾都係要勁走堂，今日仲變本加厲，得嗰兩堂tutorial我都走咁一堂．．．．．．真係唔得喇，我好眼瞓呀，睇嚟我可以改自己個英文名做"Sleepy"喇。
瞓到兩點半，Oli打嚟約我食tea，一口答應啦梗係，我掛住瞓都未食lunch。村姑要上堂呀，都未同過村姑食tea，又冇一齊食壽司喎，我哋睇嚟冇乜緣份。食tea嗰陣我衰咗呀，未完全清醒，被Oli捉到我講錯嘢呀，嗱，唔得講出去架，我哋�H秘密嚟架。
食完tea去補習，撘輕鐵遇到一個口齒不清死臭飛，佢擺明high咗嘢，或者drug abuse導致佢有咁�Hside effect。
學生又唔著褲喇．．．．．．天氣都涼啦，同埋可唔可以顧下我感受呢?我越嚟越似阿婆喇，係咁說教呀，個學生答錯就話唔想做，好悶，好煩，我就狠狠的話佢「你根本就係輸唔起!」仲話「你走吖!你至少仲有九年書要讀,我睇你係咪走足九年!」真係一個阿婆咁呀。
星期二，我又走I/O Psy，呢個course我究竟上咗幾多次呢?
GEB 222，噚晚熊貓失驚無神話我知今日要交paper，但係問其他同學又話未講喎，我咩都唔知，所以無寫，卒之今日真係要交paper，係個DR有問題，淨係話俾其一group�H同學知，所以佢就「好好人」咁delay咗個deadline一日，真係「多s哂」!
練波，女仔人數少咗，梗係咁�H，大家都係秒秒鐘幾廿萬上落，好忙咁，不過總算打到3 on 3。唔知咩事，我哋冇跑熱身圈，又未拉筋，達sir就正式練波。話說達sir未嚟之前，村姑話唔想跑圈，竟然同我講:「你快啲去跑圈，咁你就會出汗，咁我哋就可以呃達sir話跑咗圈喇。」好邪惡�H村姑呀．．．!!完全係想利用我�H痛苦去換取佢自己�H[快樂。
分類: 未分類 | 
