呢期啲天氣真係唔知想點,一方面我欣賞佢終於真係轉涼,但唔該轉得徹底啲好嘛?有乜理由朝早同夜晚勁凍,但係晏晝就勁暖囉,好難著衫呀咁。
sem尾喇,lecture同tutorial都開始last一堂喇。死啦,我仲係同啲paper摶鬥緊,仲未開始溫書呀......
音韻學啲嘢又唔明喎,有啲驚呀。又未搵子濱老師測番喎。
最後一堂文概tutorial,再見果林,今堂要做evaluation,所以冇咩討論時間。
去大興補習,今堂開頭好好地,Jacky同我有傾有講,但係去到中段,佢就無緣無故發脾氣,係咁同我撐,又話要瞓覺,又話好悶,最憎係佢亂叫呀!!做咩宜家啲細佬係架?有事冇事都喺度叫,我好憎呀!!好乸嘈呀!!真係想搵家居七武器之首車爆佢個咀。
計錯哂啲數又要唔聽我講,好嬲,玩嘢嘛,我就唔出聲坐到落堂,同時我腦中清晰咁話俾自己聽: 我quit呢份補習!點知佢嚟個反高潮喎,寫寫下詞語,忽然低聲下氣彈句:「點做呀?」我不明所以,就粗聲粗氣答:「咪照抄囉!」佢就指住maths功課話:「呢個點做呀?」見佢咁,應番佢,佢又唔再駁咀,聽我講同改正喎。
練波,原來係exam前最後一次喇,得五個女仔咋,男仔都唔算好多,大家都趕pape或r溫書,唔知啦,我會揀練波,priority同responsibility問題。今日練個人技術,然後打半場,達sir唔係第一次同我咁架喇,佢話:「比賽唔係輸就係贏,唔使咁介意。」我好介意嗎?我唔介意輸,但我介意俾人「禁」住嚟打嗰陣,大家都仲唔打好,都係做埋啲對士氣冇幫助�H嘢。
P.S 噚晚趕起份BEH 222 paper,做到清晨五點,今日好攰,成日瞌眼瞓。
分類: 未分類 |
