打比賽,闊別咗兩個月嘅比賽生活。

又係去荃灣,噚日先去完,魷,你係大專盃睇我先好呀。

見到燕燕,佢件波衫好靚。

對協恩。我幾時變得咁大膽架?夠膽死唔聽達sir嘅指令,佢話唔射外投,點知我一開波就射咗兩球......激到達sir喺場邊叫住。

其實應該贏,但係我地把握唔到機會,同埋由一開始到最尾都係搞唔掂啲防守。

飲茶,今日真係唔知做咩,做埋啲大膽嘢,又講埋啲大膽嘢,竟然同達sir講......但係我真係有咁嘅諗法。

交盃賽啲嘢啦,個staff好似完全唔知封信係咩嚟咁,又唔出聲,淨係望住啲身分證copy,忽然拎咗Oli同姐姐嘅copy出嚟,又唔講咩事,我心諗「佢哋唔係唔打得呀?」個staff好留戀佢哋嗰兩張身分證copy,一睇再睇再三睇,我懷疑佢已經迷戀佢兩個,一定係咁。

氹吓自己,買咗兩個Toy Story files~~好靚,但係我冇買三眼仔嗰款,well,I'm not his fans.但係嬲咗一下,另一款有齊main roles,有巴斯、胡廸、紅心同三眼仔,但係竟然冇落翠絲囉!!咩事呀?搞咩呀?佢哋四個係Toy Story 2嘅「四人幫」,一定係呢四個一group架喎,Jessie嘅戲份多過三眼仔好多,而且有自己條story line架,點可以咁架,佢唔係一個bitch嚟架,佢都有可愛嘅地方,連Bullseye都「罕有地」出現,點可以冇咗好錫佢嘅Jessie架。

成日聽到啲人話唔鐘意Jessie,話覺得佢好嘈、好煩,其實睇吓點睇嘅啫。Jessie本身係個好樂天嘅牛女,但係俾艾曼妮拋棄,佢受傷得好深,所以先選擇去博物館,因為佢唔想再嘗試俾人拋棄嘅hard feeling,所以當佢見到Woody,係真係好開心,樂天嘅佢亦都返番嚟,再次"EEEEEEEE~~~~HA!",總之,我唔討厭佢嘅誇張言行。