得一堂lecture,係音韻學,同roomate一齊上,但係我又見到熊貓!!!OMG!!我有三個course同佢一樣,好勁,真係爆,成日見到佢。個lecturer幾funny,我冇瞓到,重新接觸中文,feel so good!!

去補習,行路去,行到藍地,都係廿分鐘,都覺得ok,點知好戲在後頭,仲要再行入啲,係好入好入......幾有難度。

學生仲未正式上堂,我根本冇嘢教,我仲要吹水吹足兩個鐘,心諗「瀨嘢喇呢次」,點知幾條maths就攪掂個學生,我真係好擅長吹水。之後到妹妹補啦,佢話我知佢個名,我就寫咗三個人嘅名,一樣嘅發音,但係寫法完全唔同,而擁有呢三個名嘅都係我認識嘅人:

靈茵、翎欣、羚殷

最後個名就係學生嘅名,我覺得個名好靚,超冧。真係好巧合,好得意,同音字好有趣~~

羚殷起勢講佢嘅家事,我就聽,佢幾有趣。行返去,就唔覺好遠。

Winnie今晚嚟咗我房,指明道姓要我提供意見,又做consultant;撞啱另一位朋友,同時間con兩個。

Winnie今日講咗唔少引人遐想嘅說話: 「吹到企身」、「佢話要上我房做」、「Gxxxxx好鐘意佢碌嘢」,估唔到佢係咁架,真係一隻邪bear呀。