完成所有present,以為可以全心全意去做手術,但遇上重大困難

媽媽的強烈反對固之然是個障礙,但爸爸的突然轉軚為這件事添上更多阻滯,今天他們聯手反對我做手術,理由非常荒謬,媽媽說她聽身邊的朋友的意見,都說不應該做,她又說姑丈和表哥的經歷足證這個手術不值得做,最荒謬的是她說"很多人打波斷韌帶都唔做手術"

天呀!!!你哋明唔明呀?每一個case都唔同,唔可以以偏概全,如果係咁嘅話,醫學就唔洗旨意有進步;媽,你成日淨係聽埋啲三姑六婆無根無據嘅所謂意見,點解你要信班完全唔係呢方面嘅professional講嘅嘢?你根本冇同我去過見醫生,你憑咩話我唔應該做呢個手術呀?仲話我要睇得長遠啲,而家好明顯係你短視啦,淨係識得話"為嗰兩成劏三刀唔抵,第時會影響你生仔"喺盤骨攞舊骨喳,唔係攞哂成個盤骨呀!我仲有廿年嘅黃金時間,我咁嘅樣你話我做得啲咩?咩叫"你第時唔使做操重嘢"?你識預知未來架?我第時搵唔到工係咪你養我一世呀?而家你都已經唔想養我啦,生活費已經俾唔足,今日仲離譜,俾百五蚊我入八達通,而家係幾月呀?四月呀!三月嘅生活費仲差$400,四月嘅就根本未俾,俾百五蚊嗰陣仲話"入八達通都冇錢咩?"係呀!!!我係冇錢呀!!!咁點呀?我開口問你攞你又話要交其他雜費,唔俾我,但係自己又話每個月俾生活費我,啲錢俾冇定時都算啦,但係你家係側側膊想唔俾呀!!

好煩呀!!!!!