其實今日唔多想去物理治療,事關都話咗要做手術先轉到隻手,物理治療已經幫唔到我,去嚟做咩呢?

當我話個消息俾物理治療師聽,佢話: "咁唔好練力喇,等做完手術先啦,下星期一再嚟啦"我心諗: 無論我轉幾多次棍,手都唔可以轉架啦,不如我做完手術先再嚟過啦,可惜我冇講出口.....

夜晚依舊去睇隊友練波,越來越覺得同佢哋嘅距離拉得好遠,再係咁落去,我就算歸隊都會好吃力,但係我又可以點呢? 同達sir講咗要做手術,經驗豐富的達sir詳細解釋手術如何進行,點解唔係醫生話我知嘅==" 跟手佢教我人生嘅道理,唔好俾逆境阻止自己前進,左手唔得咪練右手囉,所以,達sir就教我單手射波,啊~~~把握到嗰吓個feel真係超正~~~!!我會努力的了~~

或者我耀眼喇,見到我練射波,個個隊友都問"你隻手好番喇?"我就話"唔係呀,我仲有個壞消息話俾你哋知"點知阿燕立即反問: "你唔係話要退出籃球隊呀?"um.....佢係咪將心裡面嘅說話爆咗出嚟呢?