同Ｅ碟去買校服

　　今日原本約左ｅ碟１點鍾ｍｔｒ等既，但係家姐琴晚同我講話佢部電話有ｄ問題，叫我去整整佢，我又驚我同ｅ碟行唔到街，咁咪約早左一個鐘囉。點知係ｍｔｒ到撞到〔燈膽〕嘩∼佢今日真係好靚！哈哈。。。

　　我地去左荔枝角到買校服，去到合眾，我想改條群，點知佢話要３點先攞得！好彩個個姨姨話唔想我等，幫我整左先＾＿＾即時攞得，真係多謝晒！之後買完校服我地就去旺角啦！去到ｎｏｋｉａ既ｃａｒｅ　ｃｅｎｔｅｒ　佢話要４點幾先拎得部機，咁我地ｅ碟就去左食魚蛋面，再朗豪坊行陣間囉！買左少少野啦＾＿＾之後就去到拎完電話，又同ｅ碟去左許留山到食水果盆。好好味呀＾＿＾之後諗住掃街既，不過太飽啦！決定食奇趣杯就算啦，嘩∼第一次為左ｋｅｒｏｒｏ食奇趣杯。哈哈∼好勁呀，我個隻係ｋｅｒｏｒｏ黎架，之後ｅ碟話開唔到，我咪幫佢整囉，點知都係ｋｅｒｏｒｏ架，開心死我地，ｅ碟話我個隻得意ｄ，咁我又鍾意ｅ碟個隻喎！咁我地就交換左啦，好似細路交換玩具咁，好搞笑！！＊

　　食完野我地就返去ｌｕ∼＊見到出面落雨，好驚添！好彩返到東涌都無雨＾＿＾返屋企見到爸爸放工返黎ｌｕ，屋企俱飯，但係我食飽啦！訓左一陣，，超累！！唉∼＊好好訓＾＿＾唔想起身！