今天我真的需要你、你是我生命源頭。

　　這次培靈會，我沒有後悔，起初擔心那些擔心這些，但完成後，只可四字形容，獲益良多！

　　我到了長洲愛暉營，第一天我在空閒時間跟馬仔，夢珊，慧敏，倩倩，周越，阿邦，阿珠，周溢玩七級豬，唉∼又係到大癲大吠，之後都ｆｅｅｌ到自己喉嚨痛。夜晚我地傾到出賣耶穌的猶大，究竟如果猶大向神認錯既話，佢一定唔會咁痛苦而死，我唔想學猶大，唔識得求神原諒，呢一晚學識左一ｄ野！分組個陣，李傳道分左我啦，仲有周越，周溢同埋阿邦一組。＝＾＝得我一個女仔炸！比班女仔笑，之後又比班男仔排斥，陰公，不過講笑既姐呢ｄ。夜晚每鉗都要做少少分享，而我地個組分享完之後問左陳牧師之後佢話可以比我地出營食糖水，但係唔好咁揚，叫我地快ｄ返，但係點知都比人知道左，得我地組出得去，班女仔好想出，ｓｏ佢地話我添．．哈哈∼問頭我以為佢地真係唔鍾意，點知佢地玩我＝＾＝出營個陣好夜，見到好多小動物嚇到痴左線，真係慘。

　　再夜ｄ我沖完涼同班女仔傾計，大家傾左好多野，傾左教會點樣可以改善，不來大家都有一份心，之前我地返教會都無乜傾計，但係呢個ｃａｍｐ令我地更加了解大家同關心大家。好開心，我地傾到３點半先訓教。

　　第二日我地都起到身，早上靈修既時侯睇到一條問題｛你身邊係咪有好多人對你有要求，你好介意人地點睇｝差唔多啦個題目，而我都諗左呢個問題，我都將個日交比神，呢日經歷到心中既不憤，我唔知點解咁唔鍾意．查經個陣有個人激嬲左我，之後就好情緒化啦！但係我無爆發出黎囉！之後玩電網，我唔想玩架其實，但係我記得劉ｓｉｒ教過我唔好咁做囉，佢話會失去好多野，之後我就沉默左一陣，就同佢地玩啦！之後到我詔去既時侯，好正喎∼俘就力，比人台左上去，比個死人頭話我重，魚＝＾＝但係我覺得都幾開心。

　　夜晚我諗住聽日早少少出ｃａｍｐ，因為我要返工呀！夜晚諗住早ｄ訓，因為聽牧師講野既時侯都想訓訓地啦，呵呵∼＊夜晚講道個陣，牧師叫我地諗下我地地既目標，我祈左好耐，我喊左出黎，我之前講過，我最驚就係見唔到我前面既路，我好驚做一個無用既人，我唔想令對我有期望既人失望，更加唔想令神失望，所以我好感謝神比我揀科既時侯，有一個清晰，咁冷靜，原來神你無離開過半步，其實我前面條路，有一怖份都唔係為左我，今日靈修個陣既問題重現係我腦入面，原來我係一個唔識得分辨是非既人，有時我唔知我自己咁做岩唔岩，我覺得咁樣都幾悲哀架！之後同左一個姊妹傾完之後我個心好好多。講完道我地全怖人都落左去食糖水，一邊行就一邊同黃ｓｉｒ係到傾學科既野！我覺得真係識左好多野，我感受到神係叫佢黎幫我，原來我無揀錯，我個陣好感謝神！食完野之後同夢珊仲有馬仔返房傾計，我講左好多野比佢地知，佢地好好呀＞＾＜我地幾個真係好岩傾，原來佢地都幾好架喎！哈哈∼我星期日仲同夢珊領詩，下個禮拜到我，，我又請埋夢珊同我一齊領詩。我好感謝神你比我呢個ｃａｍｐ。

　　今日返工，唔想講咁多唔開心呀因為．．．．