對不起! 更感謝你給我一位小天使。

　　今日結業啦！好意外地攞到第二學段第三名，知道好多老師就黎走，我無咩感到特別唔捨得，唔知呀，比著係以前，喊都似∼放學之後，見到好多ｆ．４學生搵阿ｓｉｒ影相同埋簽名！而我就諗住轉科既事搵金ｓｉｒ，其實我係咪諗戈好清楚，我唔知，但係我覺得文科真係唔岩我，理科又驚讀唔到．．唉．．真係好煩．．又無時間比我再諗喎！我真係好鬼憎ｄ老師點解唔同我們深入咁傾下．．你適合讀邊科！唉∼算啦，我真係好唔明呢間咩學校黎架！之後搵到ｓｉｒ點知佢做緊野，個陣我真係超唔開心．．我已經夠亂架啦，佢又唔得閒，之後佢又誚到好似唔想幫我咁，，咁我咪算囉，，之後就勁唔開心咁走左啦！之後佢黎搵我話幫我，唉∼

　　之後喊左一陣，唉∼真係好擔心自己條路會點，我唔明點解ｄ老師可以咁唔關心我地！我最憎既就係學校咁既大變動，最影響既咪又係我地呢班學生！行到返逸東都仲係咁諗．．返到屋企．唉∼訓左一陣，好攰，乜都唔想諗．．之後醒左，開左部腦黎玩！同周越傾揀科問題，我真係諗唔明點解神要咁做，我覺得我傾路好黑，我睇唔到前面，諗諗下．．條路都無埋！唉∼灰到爆∼＊

　　之後周越同我講左好多野！令我諗通左好多，唉∼喊晒口咁，好唔開心，原來最悲哀的是前路一片黑暗，那麼神如何照料我？我真係唔明，好彩周越係到分享佢點樣懷疑神，我終於明白，解決到我心入面既問題！好多時人真係唔明神係到諗緊乜做緊乜，但係要用你既信心去面對神比我地既安排！好簡單既事，我都搞到咁！唉∼但係呢件事對於我黎講咁緊要，，真係唔可以玩玩下，，即使擔心到幾誇張都好！好多謝你呀．．周越！