童軍釣魚章camp

　　呢個ｃａｍｐ係考釣魚章，不過有好多童軍都唔考，有ｄ就唔得閒，ｓｏ阿ｓｉｒ就話可以叫我地自己ｄ朋友去咯，我叫左劉傲霆去，其他就唔知有邊個去啦！琴日去到東薈城等，我地去買野，但係唔多夠時間囉＝＾＝咁我地就是但買左幾樣野就快ｄ返番學校啦，點知架車都未準備好，我地係個到呆坐左一陣．早知買野啦！我見到好多唔係童軍既人都去喎∼

　　我係車到識左劉健文，呵呵∼之前都有留意佢架啦，覺得佢好低ｂ，包包都係咁話！我地去到西貢白沙灣青年旅社落腳，就行去沙灘，之後我地打波，超搞笑囉班友仔！劉健文同黃俊義玩水，之後發生左春光泎洩既事件，好好笑！都係唔好公開啦，人地都好唔開心架啦．．比我地串左成日，哈哈∼有機會再分享。。。劉健文笑到成隻狗咁．．小珊子就影底左。

　　之後夜晚我地就煮野食啦，今次唔使我郁手喎，幾好呀，不過我喉嚨痛無ｂｂｑ，我地煮飯囉，我地見到香港航空青年團，好嚴架，好似軍訓咁，我見到佢地步操個陣真係覺得佢地好型＞＾＜之後我去左沖涼，上返宿舍既時侯，見到成班人企晒係到比佢地ｐｃ鬧，好似唔係人咁呀．比人鬧到成隻狗咁，唉∼聽阿ｓｉｒ講ｄ學員係自己參加架！我都有興趣呀＞＾＜但係唔知自己忍唔忍到，如果忍到我諗都幾好玩＾＿＾可惜我對航空無興趣，希望都有人咁操下我地童軍啦，嚴唔係唔好架，不過太嚴就唔好啦．張ｓｉｅ同耶ｓｉｒ對我地算好架啦！我地成晚就睇住佢地點樣比人鬧，佢地執床執得好嚴，無寫名又鬧，制服唔好又鬧，總之少少野就鬧囉，佢地鬧都算啦，仲要罰做掌上壓，一樣野唔好就五下，我諗佢地一日都要做一百下以上。有個女學員做完掌上壓之後拍左一下手，個ｐｃ就話〔做咩拍手呀，比多五下我〕嘩∼比我就神咁早鬧鬼左個ｐｃ啦！串到咁！

　　見到佢地個阿頭咁認真，雖然見到佢地無乜點笑，但係我覺得佢地唔係唔開心咁，好認真，又好玩＾＿＾有機會都要試試！終於有教好訓，第二朝早我地就洗好晒面煮早餐啦！我一陣又玩ｃｈｅｃｋ　ｐｏｉｎｔ去遠少少釣魚，但係我見個天好似就黎要落雨咁！都無理到啦，拿拿林食埋野就出發，我地童軍出發先，非童軍半個鐘後先出發，我地玩到第二個ｃｈａｃｋ　ｐｏｉｎｔ就停左落黎，，我同阿ｓｉｒ講行唔到啦咁既天，我地無帶雨衣正係帶左遮，咁樣好似比雷擊中架嘛，咁我地決定返轉頭啦，而第二隊人都係我地後面，我地都同佢地一齊返番營舍，我地去到男仔房到睇ｄ男仔點操，超∼我地個邊ｄ女航空青年勁ｄ，好齊架ｄ人，我仲發現有個女ｐｃ好靚∼小珊子同其他人都覺得，＞＾＜好似一個名星架，無化妝都咁靚。

　　我地就係咁見住ｄ人操，學左好寶貴既一堂。我又要好似個ｄ　ｐｃ咁型！佢地令我諗返起我以前小六做副隊個陣咁鬧人．．真係好惡死架＞＾＜！唔講咁多，有機會再分享啦！熾仔係我打緊日記個陣話要打機，我打咁多先啦！呵呵∼