明白神的意思、帶我走上該行的路。

　　今日揀科啦，我都係到返學個陣先知，琴晚祈禱，問神，究竟想我揀邊科，個陣個心都仲係未揀定，之後返學個陣芝同貼話我知今日要揀科，我都仲未揀定？咁姐係點呀？唉∼死得啦＝．＝’之後咪係禮堂祈禱，神啊，我真係唔識揀啦，但係我想讀視藝，咁我不如揀文教啦，理科對於我黎講除左興趣都無乜理由要讀，科學今次都唔係太好！如果我真係唔應該讀文科，神你要阻止我，好讓我唔會行錯路。

　　今日早會一班好有心既老師做左幾套話劇，好搞笑，但係帶出既訊息都係想話我地知返暑期工個陣要注意安全，感謝一班有心既老師，過左一個小息，芝，我同埋貽都好擔心究竟揀咩好，貽同芝早上同我講多數都揀經濟，但係我覺得芝讀經濟會讀得唔開心．．因為真係難，至少要溫書！我地去左搵鄧老師傾傾，但係搵唔到佢，小息後要揀科啦，，點算？？睇住信班．．望班咁走．．到我地班啦．．咁點？鄧老師無啦啦係我隔離出現，佢叫左我出去，我好多問題咁去問佢，，而佢就同我講〔其實你文科理科都影響唔到你揀視藝，我又覺得你文科理科都ＯＫ既，你鍾意邊科咪邊科囉！〕既然係咁就朋友行先啦！我諗我會讀得開心Ｄ，經過二仁班既事，我先知道一班咩既同學係幾咁影響到我！最後，我都係揀左文科政公班，附修視覺藝術。加油呀小琪，無論點都揀左囉，就好好比心機去讀啦！！

　　之後我放左學去搵金ＩＲ，金仔話搵我１３號做司儀，呵呵∼又有野玩ＬＵ∼之後見到阿芝入左黎教員室係到搵MISS LEE，佢唔係要揀科咩？做乜入左黎？完來佢係到煩緊揀科既野，我岩岩都兒兒戲戲咁揀左啦＝＾＝雖然我覺得好兒戲，但係我感受到神無阻止到我揀科，我相信神，神帶我走到呢條路，我會比心機去讀架咯，聽芝講佢同貽都揀左視藝，阿芝揀硬啦，但係貽又做乜要揀視藝？佢經濟讀到架啵，不過可能佢覺得視藝容易掛，呵呵∼點都好啦，可以同班朋友一班都唔錯呀。

　　返到屋企同家姐陪媽媽去飲茶，之後返到屋企唱Ｋ，嘩∼超正呀！哈哈∼同家姐係到玩，一邊跳舞一邊唱歌．哈哈∼超搞笑∼＊聽日約左班ＦＤ去映灣唱Ｋ，嘰嘰∼又有得玩ＬＵ∼之後就食飯，食完飯到我玩電腦，阿旎同埋大家姐見我係到玩緊電腦係到玩我，話有人打電話搵我，我走去聽啦，之後佢係咁笑．．兩條粉皮係到玩我＝＾＝笑得咁開心．．．我做緊正經野架嘛，就係打緊日記啦，呵呵∼我今日係到諗究竟點解我會揀科揀到咁？？原本我揀理科係想＃％＾＊＆架嘛，但係發生左Ｄ事，搞到我覺得無可能，所以好認真諗下自己係咪適合理科？我感受到神你係我身邊施恩。感謝神，可能我對呢件事有Ｄ孩子氣，但神你無誤導我前路，我明白了，我唔會再鬥氣，攞自己Ｄ成績黎玩。講得岩，有Ｄ野真係強迫唔到，無論點都好，可能宜家真係比我所諗既更加好，我相信係呢段回憶寫上句號，唔係因為有邊個出現左，而係我輸左，輸得好慘。我接受呢個安排，心好難過，但無辦法，唔係你既就唔係你既，明天會更好吧？我唔等啦。我之前對你既所有不該都該完了，如無意外，到此為止吧！