|
|
 。 2006 年 8 月 11 日 星期五 。 |
|
 執屋 |
|
今日一點鐘起身，屋企好嘈，嘈醒左我，琴晚同周越傾電話由一點幾傾到６點半＝＾＝通消電話都好耐未試過ｌｕ∼＊我都唔知做乜ｄ時間咁難過！起身食左早餐之後劉斯旎話琴日話執屋企，查實我都唔係咁想執，好攰呀！琴晚咁夜訓，無乜精神！但係之後都係執左，今日執野執得都ｏｋ啦，，屋企真係多野＝＾＝個地下超乾淨！呵呵∼＊
執完野就食飯ｌｕ∼＊開住冷氣，好正呀＝．＝’今日一ｄ都唔覺熱。食完飯睇豈有此理！無得做ｌｕ∼＊之後睇完就玩電腦！打左一陣機咁啦！！無聊＝＾＝琴日周越話聽日叫埋阿朗佢地去行旺角喎，可能周越覺得佢就黎要走ｌｕ∼＊佢想同我地再玩得開心ｄ＾＿＾係呀！時間過得真係快，我好期待既暑假過得唔可以話唔開心，但係又唔可以話好開心囉！唉∼有ｄ覺得好浪費ｄ時間！
今日家姐返到黎，唔知做乜講到買書問題，劉斯旎話〔我ｄ同學話有ｄ書未出喎〕我話〔咁我可以買住一ｄ先架嘛〕之後佢唔知做乜串我話〔劉斯琪有錢呀嘛〕講起錢邊有佢咁多呀！使唔使咁串我呀，我聽日都係順便買埋之嘛！頂，無啦啦走黎罵我喎！仲要講到好似我唔岩咁！唔係好明囉！搞到媽咪心都煩晒！唉！之前唔係講好左大家唔好咁架咩，，唔通次次都要我認低威？我認唔緊要，但係將來唔會有咁多人都可以就到佢囉！ｄ人唔就佢既時侯，咁佢會點諗呀？唔知佢，唔想知呀！
至於浸禮既問題，我到宜家都仲未諗！我唔知點解好似有ｄ疑惑咁，可能聽完林傳道講左ｄ野啦！究竟我會唔會介意將來用咁多時間係我既信仰上？我肯唔肯定到自己係一個好好既基督徒？雖然諗呢ｄ野都係將來既事，但係我對自己無信心！點都好，等我完成左我份得救見証先！我要回顧一下我有基督既日子裏我係一個點既人，我得到ｄ咩，改變左ｄ咩！到時先知道我受浸係咪一個無錯既決定！我相信每一個人都會有呢ｄ諗法！我自問，我真係唔係一個好好既基督徒，唔知點解，仲未搵到一個動力令我肯去為神做更多既野！點解？
|
|
[ 訪客留言(0) ] [ 編輯日誌 ] [ 分享至FACEBOOK ] |
« | 538 | 539 | 540 | 541 | 542 | 543 | 544 | 545 | 546 | 547 | ... | 864 | »
|
屈膝祢的跟前 下拜救主基督 
