好樣衰呀。

　　今日同家姐返學，見到kai ming，無同佢打招呼喎，自從星期五之後都無同佢講過一句野，唔知點解有ｄ唔想同佢講野啦開姑，可能覺得佢唔好玩掛。今日要影班相－．－’超∼又係排到好前．又比人笑．真係慘，矮真係唔多好，唔需要高，，但係起碼唔好比人話矮呀，大佬！

　　今日上英文堂個陣，阿君同阿ｍａｙ又係到玩啦∼其實我好想有個讀書叻既人坐我隔離，我太受人影響啦，我唔知到我幾时忍唔到會傾埋一份，佢地嘈到我聽唔到書，我好想坐前少少留心Ｄ，我好想有咩唔明都可以有個人幫到我，以前阿君讀書都ＯＫ架，但係佢變左ＬＵ，我唔知點同佢講，，正係知講極佢都唔聽！MISS YEUNG話會調位，我真係希望會坐係Ｄ比較叻既人隔離，其實分德班已經係學校做得最錯既事，一直以黎我係對學校非常不滿，Ｄ叻人入晒，咁我地點算。我讀唔到德班，係咪學校放棄左我地？近朱者赤，近墨者黑。有無諗過我地入唔到人既感受？入到既，又成日擔心同Ｄ更加勁既人爭第一。唉∼有時真係覺得我比呢間學校攞黎做白老鼠。

　　今日上體育堂，ＷＯＲ落雨呀，考左試之後就同阿君打排球，好慘囉，一黎就比人見到個肚腩，哈哈∼無計啦，，咁高既波都打，雖然真係好勁，但係比阿君笑囉。之後阿君唔少心打左半個波餅比我食，之後我成日用腳踢，又請自己食左好大個波餅！好慘呀∼係咁比佢地笑．．．樣衰到爆！之後我去執波，無啦啦又比人踢中個頭，唉∼今日都唔知行咩衰運。打波個陣阿君唔知做乜講講下講到話好憎我（我ＦＥＥＬ到有Ｄ講真）但係我話（講笑炸）佢話（係呀！）－．－’唉

　　放左學打比林傳道問佢今日使唔使查經，佢話今日倩倩唔得閒喎，咁見到阿芝，阿芝話佢地溫書，咁我咪同埋佢地溫書囉！唉∼溫左好多數學，數學都唔係好難姐，我肯學一定得既，，但係我真係超級大懶人囉！由細到大都係咁懶！我都唔知點解，Ｆ．２個陣話到左Ｆ．３會有老師同你講你岩揀咩科，但係一直都無老師同我講過我揀咩科好，唉∼開始睇唔清楚我自己條路係點啦∼附數？視藝？唉∼唔知呀。。我好想是是但但，但係如果是是但但就一世架啦！唉∼媽咪講得岩〔無人會擔心你既事，最終都係要靠你自己〕好灰，好迷茫。*****打緊呢段既期間，無啦啦又彈左一首詩歌歌詞：無需擔心與苦惱，明天有他領我路。神啊，我好耐都無黎到你面前去敬拜你，呢個月又做左好多令你討厭既事吧？我覺得我近排心情好怪，我覺得呢個唔係我，我好似行緊一條錯既路咁？考驗又黎緊？唔知．但係我好希望咁樣既我快Ｄ走，唔係我一個人覺得，而係連身邊Ｄ朋友都係咁覺得。唉∼

　　溫數學個陣，一個好FUNNY既MISS LEE超頂佢唔順囉，笑係到笑我。我正係同佢傾童軍Ｄ野之嘛，又笑啦＾＿＾放學個陣阿芝係到同我講呢Ｄ事，好果呢件事真係可以好圓滿，我真係感受到神係途中既幫助，結果可能係一齊，又可能係各有各飛。但係只要結果係令我好過Ｄ，呢Ｄ都係神你係我身邊既恩典。我要面對既問題實在太多，搞唔掂，真係搞唔掂，有時諗返起之前既事，覺得自己真係幾硬正，人愈大個．．經歷既事就愈精彩。我一直以黎都好驚大個，因為有好多既掂心，我對自己既前路真係無乜信心，問自己神會係我身邊，咁都驚？係！都仲係好驚，我唔係對神無信心．而係對自己無信心，因為有太多事話比我知，有好多野我自己係做唔到，因為我對自己有要求，我唔要做一個平凡人，但係我都唔想做一個特出既人。連我自己都唔知姐係點＝．＝’

　　今日ＯＮＬＩＮＥ　ＭＳＮ，見到阿肥ＩＮＦＯ寫住佢嬲佢嬲得好攰，唉∼又喊，唔好喊啦，為呢Ｄ事喊真係好慘架，肥肥要珍惜宜家既朋友呀，老如同我都好擔心你架，以前第一眼見到阿肥覺得佢好得人驚＾＿＾識耐左，我覺得阿肥好善良（姐係好易蝦個Ｄ，哈哈）佢好識得為人諗架，老如生日個陣係佢諗驚喜比老如，佢如成日玩，佢都唔嬲，可能佢唔介意，都幾識諗架佢，佢做人幾樂觀，上次同佢去ＣＷＢ個陣，同佢講心事喎＠０＠係佢身上我學左一Ｄ野，係我身上係無！阿肥，呢件事詔左之後，你諗返起會係一件好好既回憶，因為比你知道你身邊Ｄ朋友係幾咁好｛話緊我，呵呵｝，唔好唔開心啦，向前睇啦，你讀書既事呀＞＾＜Ｆ．４點算呀，，讀到都仲可以慢慢諗．．讀唔到咁點算？？多Ｄ為自己諗多Ｄ。

　　琴晚媽咪打電話比小姑，佢同小姑講話我同家姐返工，媽咪講左Ｄ令我好心酸既野，佢話佢見到我地咁細個就要出黎返工個心好唔舒服，記得媽咪話邊個父母唔想比最好既野比自己個仔女？媽咪唔係唔想比，而係比唔到你地，將來你地想詔Ｄ咩日子，就要睇你地自己，爸爸媽媽比你既野好有限，將來我地既日子都要靠你地。媽咪呢一世比我覺得佢過得好辛苦，但係媽咪每一日都係笑住咁對人，佢係咪笑得好假？我又唔覺得，因為係佢身上，好似有好多大陽花咁，每一日都好靚，佢唔會比人見到佢唔開心既一面，我好欣賞媽咪呢點。媽咪仲同我地講過，將來靠邊個都係無用，要靠自己。我自己有要求，係因為媽咪同我講既野，以前我真係好想中學畢業出黎做野，因為我都唔係讀書既材料。我同家姐都會係到諗點解氹媽咪開心，佢心入面有太多委屈啦，有Ｄ係佢自己比自己，有Ｄ就係唔生性既細佬妹，成日激媽咪，佢地嗌交個陣，我會幫媽咪囉，搞到姑佬妹都唔鍾意我！好激氣囉，點解佢地咁樣都要蝦媽咪呀，好明顯媽咪係擔心佢地，為佢地好先咁講啦！唉∼可能我以前都係咁。每一次媽咪叫我幫佢染頭髮我都會放低手頭上既野，去幫佢，媽咪真係老啦，唉∼唔知好事定壞事。人地話人愈唔開心就老得愈快，唉∼我真係唔知道我可唔可以成為一個有用既人。但係每一次我都好有信心咁同媽咪講叫佢唔使擔心。媽咪既擔心太多啦，比我地有Ｄ信心好無？我同家姐都希望，媽咪你會覺得你一生最好彩既就係生左我地幾個女出黎。由你嫁比爸爸個日開始，我諗你都受到好多挑戰，麻麻佢地係點對你？比幾多氣你受，幾咁蠻不講理，幾咁唔理你感受？所有既問題都會由我一出世既２５年後唔會再發生！因為我已經大個左。我會照顧你。＾＿＾