星期三，最開心∼＊

　　星期三上既堂最少，好開心＞．＜一個星期之中最自由。今日一早就起身啦，要當值呀嘛！之後早會，我都唔記得講左ｄ咩啦，正係知校長宜家好似唔同左咁，係咪因為就黎走？我唔知！

　　今日上英文堂個陣，ｍｉｓｓ揚幾衰呀．．話說我企係班房門口等阿君，之後我見到ｍｉｓｓ揚黎緊班房，佢拎緊好多野，阿君叫我幫下佢，我鬼彩佢咩！之後阿君跑過去，ｍｉｓｓ揚話唔使阿君，要我幫佢拎喎！＞．＜幫佢咪幫佢囉，佢都就黎行到黎班房啦，佢話〔乜你咁曳架，你同我由樓梯口行返過黎〕佢要我拎住部ｃｄ機再行過！痴線架咩∼＊

　　今日視藝堂好搞笑囉，桂姐話做張ｋａｉ銘個阿媽喎＝＝’收我做"新抱"唔使啦，多謝夾成為！視藝堂個個阿ｓｉｒ好搞笑架佢！哈哈∼唔知醜成日讚自己！我地玩到落週會，校長好似好唔鋸咁囉∼＊今日係頒獎禮，我都無獎拎＝＾＝個ｄ獎拎唔拎都擺啦＝．＝’無計啦．．退步晒！自己班ｄ同學又唔係差！努力ｄ囉，可能自己會開心ｄ！＊

　　今日媽咪話叫左阿姨比錢我ｌｕ∼唔返工啦，我發覺自己唔得囉！我又唔鍾意份工喎！＾＿＾神你明白我心意！哈哈∼家姐笑我返左一日就唔返∼係架啦，唔鍾意就唔鍾意架啦∼＊阿姐都唔返工ｌｕ∼＊我叫左阿ｍａｙ代佢！星期六陪下佢地囉！＊

　　今日係謝ｓｉｒ生日，＾＿＾記得上年我記錯左今日係劉ｉｒ生日，無計啦，我呢個人就係咁大頭蝦，＝，＝’仲比謝ｓｉｒ笑添．．唉∼聽定姐講話佢地第一屆畢業生送左個蛋糕比佢！一定好開心啦佢，上年聽佢講佢工作唔愉快，所以我對謝ｓｉｒ都好好架！今日放學見到劉ｓｉｒ，我無行過去呀！當我想行去打招呼既時侯．佢都走左ｌｕ，唉∼如嬲無乜事，劉ｓｉｒ都唔會過黎架！記得佢同我講過，佢黎怡中都係因為佢有ｄ唔開心既事，佢仲話〔見到你地，有乜野過唔到？〕唔知點解佢既說話我開始慢慢記住晒！可能以前佢比我既說話我無好好記住。太多遺憾！同樣，我見到佢，有乜野過唔到？神你一直帶領住我地兩個．雖然大家好少見面，但係唔代表我地會疏遠，求神你一直都維繫住我地既感情！我好相信，終有一日，劉ｓｉｒ會見到我美好既成就！劉ｓｉｒ你話你最鍾意見到我企係台上個一刻，我應承你，我會爭取多ｄ上台既機會，吸收經驗。將來，我要企係台上多謝你！