再次投入校園生活。

　　今日上堂好開心呀，中文堂又空左，老師無返學呀，＝＾＝上次miss lee，琴日miss溫，今日係李老師。之後曾ｓｉｒ又黎代課，勁好笑囉曾ｓｉｒ佢．miss揚問佢我地乖唔乖，佢話我地好乖．之後我地成班係到拍手，哈哈∼佢自己都忍唔住係到笑！＝＾＝miss揚同人好熟咩..好似懶死唔走咁，第二堂仲要自告奮勇咁代課,頂=.='

　　之後上ｄ＆ｔ，死人張ｋａｉ銘，佢丁日係ｉｃｑ鬧我，咁我咪報仇囉，咁佢緊係唔夠我揪啦．．哇卡卡∼＊之後食飯個陣詔左德班玩，無計啦．．三愛班ｄ人各自飛．咁廢時留係到。就同阿揚佢地玩囉！＾＿＾又講埋ｄ低ｂ野囉！＊今日上體育堂個陣阿肥好曳呀．miss張唔鍾意我地咁唔合作，阿肥仲要玩喎，哈哈∼我笑下佢之嘛，佢就黎揪我啦！咁我都學過下柔道，之後佢衰左啦．．仲衰得好慘添！miss張發火啦。唉∼唔知點咁，都好少見佢咁嬲！上完堂我同miss張講，叫佢唔好咁嬲，佢話正係想我地上堂乖ｄ，唔係唔比我地玩，但係miss講緊野個陣要留心，睇佢咁講，佢好似上兩堂受左ｄ氣喎，唔緊要啦＾＿＾miss張都係好老師黎既。

　　今日放學，要去查經，今日講左好多有關鬼鬼怪怪既野！有ｄ驚啦！但係又比我諗左好多野。又講緊好多青少年拍拖問題，雖然講個陣，我好似玩玩下咁，但係我都有好多野想問，林傳道仲講左拍拖好影響一個人既將來婚姻。佢講左ｄ野令到我好想喊，真係好想喊，以前細個既時侯，我唔會覺得屋企有咩問題，但係．．唉∼我都唔知點講好，其實有ｄ野我真係理唔到咁多，劉ｓｉｒ講既野好岩，如果有機會，我好想再同佢傾計，傾佢既事，傾我既事。

　　神你可唔可以話我知，究竟我宜家係到做緊ｄ乜？點解我感覺到你同我處理緊ｄ野，又係難關？其實我都好想被你經常受用，咁樣可以經歷你更多。但係一方面，當我唔知你想點既時侯，我會覺得有ｄ無奈，有好多問題。每一次你比我既難關中，我流過幾多眼淚，每一次一次我都會依靠你，神你比我經歷咁多？你肯定左我能力嗎？有時我覺得我自己能力真係好有限，你對我呢個一半一半既信徒，點睇？當傳道話當假弟兄，只會令你再次被釘十架！你知嘛當時我個心好酸，仲有ｄ內疚。你知道一直以黎我都盼望神你會幫我控制我自己！我知道自己太情緒化，有時仲好幼稚，任性。神你有無去改變我既缺點？

　　我希望既係，我想再了解你多ｄ，我想將我所知，所感覺到既都話比爸爸媽媽知，我好想佢地同我一齊返教會，我承認我好驚魔鬼，當爸爸媽媽好近魔鬼既時侯，我更加驚！有時我都好期待我同佢地分享個日，詔左個日，我又會更進一大步，我會完成左我第一個願望，浸禮方面，可能會受到媽媽既挑戰，但係求神你都比媽咪明白，希望佢專重我既信仰。