又過了一天∼＊

　　今日返學遲左落去．．阿芝佢地無等我．ｓｏ同家姐返學！無計啦．．鬼叫琴日作個三篇野．作到我３點幾先訓教喎！唉∼返到學校先知琴日作完既野．．唔記得帶．．頂！！好彩今日唔係我先．．

　　今日連早餐都唔食去左做數．．好彩無胃痛！！＾＿＾ｄ老人病．．今日又溫返好多啦！！加油呀小琪！！上英文堂個陣好快過！口試呀嘛．．吹水吹左一堂．．上中文堂個陣又係口試．．又同阿君吹水．．勁搞笑囉！！阿ｍａｙ見到我地係到吹水好似想答爹咁．．都唔岩傾既．．答爹都無用！！哈哈∼＊講起阿ｍａｙ條友今日幾衰．．講講下野．．嘖口水．．．核突！！嘖落我到呀＞＜之後係咁比我打！！

　　上ｉｔ堂個陣又係咁．．上網投票，比佢見到我電話．．佢話〔原來上次咁鬼夜打黎個個係你．．〕哈哈∼笑死．．上次１點幾打去佢手提．．之後響左一下就收左線．．勁搞笑．．佢話嘈醒左佢喎！哈哈∼諗返都好好笑！！之後唔知做乜嘈嘈下禁低左佢個頭．．之後就隻揪起黎！！哈哈∼∼今日佢剪左個頭好７７７７７！！＊琴日講完佢頭髮樣衰．．叫佢快ｄ剪左佢．．今日剪完仲樣衰過琴日！！死肥仔！＝＾＝打到落堂！！比阿ｓｉｒ話我嘈左兩堂．．嘻嘻∼＊

    　今日放學去左秀德揀詩歌．．我揀左全因為你仲有他是神＆遇見神∼嘻嘻∼係到唱歌個陣．．ｆｅｅｌ到自己唱歌好難聽．．點算＞＜不過唔緊要啦．．只要我比心機唱．．神一定認為係天使歌聲！！下話？？？

        返到屋企家姐同我講老豆琴日又同個個８哥飲酒！媽咪好唔開心．．今日鬧爸爸．．佢話〔我見到佢我都兜路走．．你做乜仲同佢來往？你做乜學佢．．．．．．〕家醜不出外傳．．唔講啦！聽完之後．．又諗起之前既野．．唉！都過左兩三個月，都喊左好多次．．嘈左好多次．．其實我都唔明爸爸做乜仲見個個衰人！！係咪近朱者赤？近墨者黑！！唉！！講起都想喊！！