神再次令我感動~*

　　今日蕉頭早，老如攞左蛋高返黎食．＝＾＝可能我唔鍾意食芝士蛋高，我覺得味道麻麻．．今日上宗教堂個陣，分享左自己既小小野．我都唔知自己幾時開始咁勇敢，比人窒都係照講，我唔明，，其他人更加唔明，係咪神你比我無比既勇氣？今日有個人問ｍｉｓｓ，如果有一日比你知道原來你敬拜既神．．係假既．你會有ｄ咩感受？我諗左一陣我自己會點，我搵到一個答案．．．我已經無諗過佢係假，由我信個日開始．．我唔會後悔信佢．至少佢比我既野都係美好！加上神唔係假，佢好實在，其他人唔明白，係因為佢地無真正感受到神比佢既恩典！

　　我又再次向你禱告，向你讚美．向你感恩！神你那眼目時常看顧著我。我知道另一埸挑戰黎緊，神你都在旁，幾耐無黎到你既聖殿，我已經無數算神你比我幾多既恩典，你陪我經歷左幾多辛酸既日子，我都係笑住咁過，我並唔堅強，神你係知道！近來自己的說話都語無倫次！你將我寧碎既話語都變成意思！教我懂得去關心媽咪，今日我幫媽咪燙晒ｄ衫！好多．．．不過唔覺得攰！

　　放學個陣帶左阿熾同家姐去食野！＝＾＝好耐都無請家姐食野啦．．．嘿！無計啦．．今日作左一篇文．．講緊媽媽，唉．．作到眼濕濕！阿君問我係咪喊，我都廢時彩佢！篇文唔算得作得好好，但係簡單既句子，就係我心中既意思，到宜家我都未得到咩成就，將來我會將我既成就分比兩個人，一個係劉ｓｉｒ．．另一個當然係我媽媽！佢地都係我成長中影響我最大既人！言而將榮譽歸於神！

　　近排生活好似怪怪地，太平淡？太悶？定係開始唔低ｂ？以前唔鍾意大個既我係咪完全接受到？我唔知道！不過我都係覺得順其自然啦，無咩直得我去恨！無咩直得我去討厭！我恨既人，我都希望用神教我既愛去溶化佢！好攰啦，比你討厭佢地有咩用，好細個開始已經知道，人衰極有個限度！所以．．都係算啦！

　　近排無咩點打日記，緊係啦．．都唔想玩電腦，，覺得有ｄ無聊．ｏｎ左又無人陪我吹水喎＝＾＝不如搵多ｄ時間做其他野，仲實制．．年尾ｆｅｅｌ有好多野做．．好多野煩．．無計啦．．我鍾意忙！係懶忙咁．．最好．．呵呵