好凍~

　　今日既天氣同我心情一樣，天公作美？今日雖然心情唔好，但係已經無火去嬲！心情唔好講野都比平時細聲，琴日劉ｓｉｒ腥左一句野比我，佢話〔可能佢地唔係最好既父母，但佢地做左最好既決定！〕睇完呢句，我無話可說！當我平靜落黎既時侯．我突然好憎我自己！

　　琴日睇左一本書，講緊宜家青少年同父母之間既野！佢話一個人長期係一個嗌交既屋企仕面，會影響佢地既自信心同埋內向！我好驚自己會變成咁，呢幾年，由我懂事開始，媽媽好少讚我，家姐同我都係不段同自己講其實你好叻，可能我地比其他人更加識諗，呢幾日我先知原來家姐比屋企任何都更多諗！

　　唔鍾意屋企，發覺屋企既事已經唔再重要，咁我既動力係咪少左好多？以前讀書為左邊個？以前叫我努力又係邊個？仍然是〔你〕？

　　好多謝劉ｓｉｒ一每一句，佢叫我要不段自強，今日放學見到佢，佢仲同我開左個玩笑，不過我都笑唔出！拍一拍佢溥頭就走左．．同ｄ朋友分享自己咩事，回音好少，可能佢地都唔識得點樣去幫你，但係唔講出黎我自己會好辛苦！

　　有時我會問神點解神你要比我經歷呢ｄ事，係咪要經歷呢ｄ事先令到我會成長？點解要我改變？我唔要好似大人咁日日煩埋ｄ不必要既野，好無謂！我受唔起．．．