開始冷了~*

　　琴日第一次童軍集會，張ｓｉｒ揀左我做副隊長，哈哈∼之前黃永基都叫我參加基督少年軍，但係之後唔知做乜遲左搞，咁我咪參加左童軍囉，黃ｓｉｒ話比個隊長我做！不過算啦．．

　　今日一起身無野做．．幫倉鼠仔洗白白同埋清潔。佢地大隻左好多。之後同媽咪去左ｍ記食早餐，之後返左屋企打埋篇文章，娜娜打比我問我買左ｄ　ｃｏｍｅ　章未，我話自己整平ｄ，係囉，都就黎陸運會，呵呵∼做司令台呀，所以把聲要快ｄ好返，一轉季就喉嚨痛痛地．．．

　　今日睇左一本書差ｄ想喊呀．唉∼雖然作者好幽默，但係結局好淒美，唔知點解睇睇下自己做左主角，係到諗緊人死左會去邊，我死左身邊既人會點．．如果我身邊人死左，我又會點．諗起好多身邊既人，包括：爸爸媽媽，劉ｓｉｒ等．．．死並唔可怕，但係死得痛苦，，真係好慘！作者講到因為愛而講左一個大話，，神會唔會原諒我地，栗來神教我地，愛係行先！好奇怪．唔知係咪愛呢個字遠離左我，宜家有點難過。

　　前個排同爸爸媽媽嗌交，加埋自己又唔舒服，搞到把聲．．開唔到！！好慘囉！！夜晚家姐打電話比我，叫我出去睇戲，去左睇〔怪誕屍新娘〕幾好笑咁啦，又得人驚咁啦，不過短左少少，，加長ｄ我諗ｄ劇情會精彩少少．．