我會期待∼＊

　　既然自己咁煩，我會試下由天決定我地兩個，神你會一直帶領我，我好相信將來你和我都可以相聚，神，我覺得我太遠離你，可唔可以再拉近我同你既關係？我真係冇決心去禱告！我的心太亂，好多事都令我好困擾∼究竟神你怎樣令我去踏過？

　　今曰我諗住搵阿ａ，我知佢聽到，我發覺佢好似仲係好留意我既說話，一直以黎我都好相信自己既感覺，但係對住佢，我已經唔可以用感覺得衡量佢！因為阿ａ佢同我講話佢對我死心，聽完之後係原全打激信心！好似死晒咁，咁我既少少信心係邊到黎？就係我識左你呢４年黎，我認為你唔會咁！我宜家只好呃自己相信！我好驚我自己接受唔到，因為我冇打過最壞既打算！

　　今日返到屋企，爸爸叫我煮飯，一訓醒，見到就黎６點，爸爸就放工返，又係時侯煮飯，唉∼我最討厭就係煮飯！我打電話比媽咪，我同佢講我唔想再煮飯啦，唔單止係考試呢段期間，我唔明點解我煮過一次之後，點解之後都係到我煮？我係個段時間有好多野做架嘛！冇啦啦好似有段時間限制住我一定要做個樣野咁，超唔鍾意！媽咪同我講，佢話，咁你咪唔好煮囉，唔使煮架啦。聽起黎語氣就冇乜野，不過句子就好似唔多掂咁！唉∼之後自己都冇打算煮，不過聽家姐講，媽咪前幾日同爹ｄ講講吓野喊，佢話佢返左咁耐工得唔到ｄ乜！仔女又唔生性，佢話自己好幸苦！諗起呢點，就知道，原來煮飯，係我既義務，我都有諗過，我宜家讀書時間，煮乜飯呀，呢ｄ緊係媽咪做架啦！之後又諗諗下覺得！當你有能力去做到呢樣野既時侯，唔理你係咩時侯，你都要完成你既義務。之後就煮飯，媽咪打電話黎，問爸爸放工返黎食乜？爸爸話，阿琪煮緊飯，唔知媽咪點諗呢∼有時侯，我真係覺得社會帶動比人好鍾錯誤既野，令到人既思想上都認為咁樣咁樣．．先岩，先至靚！人就係咁架啦，唉！我都唔例外∼

　　今日有上阿儀日記，終於見到佢日記啦！佢寫左好多佢男朋友ｄ野，我又諗返好多野，唉∼其實我有時係咪太執著一樣野呢？我係咪好鍾意理人地ｄ野呢？如果人地問〔關你咩事呀〕我點答好？我真係冇野答到佢！唔通真係同佢講，雖無過犯，面目可憎。？？痴線－＾－

　　岩岩去左阿芝日記個到留左一段好感慨既留言，留言個陣，都喊左一陣！唉∼我既成長，神比我太多感動，令我喊左數千次！