麻麻生日ｖｓ父親節∼＊

　　琴日係麻麻生日，姑姐話見今日係星期日又係父親節，不如一齊慶祝，所以，今日要去何文田個邊！今日行左一陣街，唉∼見到ｄ野都唔想買，阿熾到嘈喧巴閉！人都煩晒！之後攞完蛋糕就去麻麻個到啦！今晚食飯有得唱ｋ！哈哈∼又係我同大家姐大展歌喉既時侯啦，估唔到我感冒，唱歌都還ｏｋ！唔會嘈住人！嘻嘻∼

　　叔叔話如果我會考是但一科攞到ａ就比一千蚊！爺爺仲犀利，中英數是但一科攞到ａ就二千，ｂ就一千，ｃ就五百，都好過冇！我要記住佢！我一定會考好個會考佢！

　　返屋企個陣答車，我終於同家姐講左我放棄左ａ君，鍾意左ｂ君！原來呢兩個人係我心目中都有唔同既地位，只不過係自己唔知，家姐問我有冇信心，我真係冇，因為我傷害過佢，家姐成日教我，地球係圓架，凡事留一線，日後好相見。唉∼佢宜家比我既感覺就係，佢唔多鍾意我咁，我好冇信心會好似以前咁，但係．．佢．．佢比我既感覺好矛盾，患得患失咁，點解你要咁姐，我對住佢我有ｄ內疚，有ｄ心痛。我份人太狠，〔明明件著你走，我怎麼要和你鬥？〕我欠你太多，我想補償，你可唔可以比個機會我 ！

　　諗返起以前，大家都傻傻地咁，你呆呆地，我痴痴地，不過可能以前仲係好任性，即使係我做錯，我都要你認錯！對唔住，我了解你難受，我知道唔應該正係你鍚我，我都要好鍚你！我今日先記得，你仲欠我一句〔我愛你∼＊〕