小琪唔淮再唔開心∼＊

　　今日我冇返學，因為我咳得好犀利，我真係頂唔順，原來諗住下就返學架，不過留係學校都冇意思，所以我都係唔返啦，同家姐睇醫生，醫生叫我休息多ｄ，佢話我會好快好返架啦喎！今日上左劉展個日記睇埋未睇完既野，仲留左幾句！我係佢日記板個到睇到一首歌〔一人有一個理想〕突然又諗起二仁班，睇埋段歌詞我有ｄ野好認同：

你若投入就有我支持　　　＿＿＿　你=二仁，支持=我的喜悅
即使决定我們難一致　　　＿＿＿　就算人地認為我地唔得
就算性格不相似　　　　　＿＿＿　大家性格唔相似
亦可一人一種舞姿　　　　＿＿＿　不過你地每個都好特別
接近盲目地對你支持　　　＿＿＿　諗好多野去幫你地
這些正是朋友那本意　　　＿＿＿　我正係可以做到呢ｄ
若你要我的一票　　　　　＿＿＿　如果有一日，你地諗通左
只對人即使不對事亦賦予　＿＿＿　我一定會支持！

＊我會等你地既改變，即使大家都各散東西，我會等待！

　　小琪冇時間再理你地ｄ野啦，我想好好咁考試，我浪費左太多時間，我怕趕唔上，因為我都搵到我自己既理想，神為我帶黎左方向，唔單止自食其力，仲要照顧爸爸媽媽，因為我欠佢地太多，可能佢地唔認為呢ｄ係我欠佢地，不過點都好，唯一可以照顧佢地既，就係做仔女既！

　　我發夠癲啦，原來我對佢只不過得〔後悔〕，上天咁既安排，我都冇辦法，我唔想再刻意去改變現實，除著上天既安排！未認定既感覺，真係唔可以亂試，可能宜家咁樣仲好，神你話係咪？我既心結搞掂左ｌｕ，今日休息左一日，個心舒服左好多，冇亂發脾氣，個心好靜好靜！聽日我又要面對挑戰！好多謝神，比左呢日我休息，我好好多！