|
|
 。 2005 年 5 月 25 日 星期三 。 |
|
 不懂~*  |
|
今日，我一蕉早起身，就咳得好犀利，
 我咁既心情，仲邊有時間理自己Ｄ病！身體一日比一日差，心情一日比一日低落，以前我見到Ｄ同學病我就會笑佢，佢係一個無用既傻瓜，唔識得照顧自己，估唔到，今日到返自己！原來我先至係最無用既傻瓜！我諗住睇醫生，但我記得今日第一堂係中文堂，要做專題，所以就病住咁返學！因為我擔心我組員唔識去安排點做。其實我既心一直都仲係二仁班，但係我唔明點解神你一次又一次咁將我既信心打碎。
琴日冇打日記，因為，我根本唔知道我有咩可以分享，我唔想係我日記裏面，又再次記載討厭的二仁。今日係偶然既情況下，上到劉展個日記板，佢入面寫住去ＣＡＭＰ個晚，佢話點解我會咁信任佢，咩都講比佢知，其實一直以黎，我有乜唔同佢講，只不過到左宜家同佢講我既事都再冇意義，我都唔知點解，可能呢排搵唔到一個可以將我既野分享比佢聽既人，所以搞到宜家要將自己既野，都埋係心入面，老如講得都岩既，講左又有乜用，幫到我咩？都係算啦，可能係以前傻，咩都鍾意同人講！我仲回應左Ｄ野比佢，我真係同佢講，我仲可以點！
呢幾日我係到問自己，其實係咪我自己將自己情緒壓抑，先令到自己唔開心，或者啦，但係都要因為某Ｄ野我先至會咁唔開心，我唔鍾意呢種氣氛。從一升到中二開始，我根本就唔接受我自己讀呢班，世界係咪真係咁唔公平？如果係既，咁我真係好黑仔，就黎又考試啦，考埋呢個學段，我好希望神你唔好再玩我啦，玩夠啦，我真係忍唔到呢種情況下既學習生活！
我究竟為左我既唔願意喊左幾多次，我又忍住唔喊左幾多次，苦盡甘來？我仲要有幾苦，甘先至黎呀？可唔可以話我知幾時？至少我仲有多一件事可以做，就係等待，我宜家真係唔知我可以點做！神你幾時回應我既禱告？
|
|
[ 訪客留言(0) ] [ 編輯日誌 ] [ 分享至FACEBOOK ] |
« | 831 | 832 | 833 | 834 | 835 | 836 | 837 | 838 | 839 | 840 | ... | 864 | »
|
屈膝祢的跟前 下拜救主基督 
