我的不小心∼＊

　　今日，早上，老如叫我早返，哈∼原來阿芝整左ｄ涼粉西米露吃∼呵呵∼開心死！

　　旁晚，好緊要好緊要，因為，今日就係，五周年感恩崇拜，我好比心機去背背背背背背我既司儀稿！開ｓｏ前，冇咩特別，仲同阿邦ａｎｄ超儀仔有講有笑，到左開波啦！開頭還可以，但係到左自己一個個陣，唔知係咪冇信心啦

，我讀錯左金句，好唔開心呀，我入台之後同佢地講，對唔住對唔住，佢地就話，冇所謂啦，好好架啦，但係我知道自己衰左啦∼我係後台喊左好耐，喊到要分享既時侯，都未能平穩心情，李老師話，劉ｓｉｒ唔會因為咁而對你失望，阿邦都好好，佢比紙巾我，儀仔就係到陪我傾計，陪我坐。分享既時侯，心情不平覆，眼淚都慢慢咁落下，我好想多謝劉ｓｉｒ，多謝神，同時因為媽咪今日有黎，我好想同佢講我小六既每一件事，我喊住咁話〔我要比媽咪知道，我大個女啦〕不過好可惜既係，媽媽要睇住細佬，阿熾訓左，媽咪係我分享之前已經走左啦，好遺憾！不過唔緊要，終有一日我會同佢講！

　　分成完之後，陳老師話〔唔好喊啦，劉ｓｉｒ係台下等緊你〕我聽完之後即刻跑落去，我見到劉ｓｉｒ，我喊住咁走過去，攬住佢喊，我同佢講我話我讀錯左野，佢就咁話〔我唔係聽你講野，我正係睇你企係台上〕佢仲同我講〔盧校話，幾辛苦，見到你地，有乜野會過唔到？〕我知道，知道佢見到我，係一種安慰，好感動好感動，雖然今日好唔開心，但係，神比左一個好好既一日，我知道我病左，神比我係病既情況下，我都能夠出到聲，雖然有ｄ沙啞，但係都已經好夠！

　　今日我喊，係因為我要求太大，我過唔到自己，因為我唔可以令任何人失望，特別係媽媽，劉ｓｉｒ！終有一日，我會比你地知道，我係得架，你地一定一定要睇住我既成長，你地會另眼相看！神令我真係好特別特別... ...

誰曾應許
曲/詞：盧永亨 OP: Music 2000 Limited


誰 曾 應 許 一 生 不 撇 下 我
每 段 窄 路 誰 陪 我 去 走 過
誰 還 領 我 於 青 草 恬 靜 處 躺 臥
豐 足 恩 惠 比 海 沙 更 多

誰 曾 應 許 天 天 看 顧 著 我
晝 夜 眷 佑 連 頭 髮 也 數 過
誰 還 以 愛 驅 走 心 裡 懼 怕 怯 懦
那 懼 路 途 捲 動 著 漩 渦

因 祢 是 我 主 我 避 難 所
我 盾 牌 和 詩 歌
祢 是 我 的 高 臺 我 隨 時 幫 助
來 吧 用 信 心 讚 頌 和 高 歌 祢 永 在 我 心 窩
唯 祢 有 永 生 江 河 除 祢 以 外 不 倚 靠 別 個
我 究 竟 算 甚 麼 神 祢 竟 這 般 顧 念 我