我身邊的人∼＊

　　琴晚好夜訓呀，同肥鬼啦周愈個班係到傾計傾到５點鍾先訓！原來大家咁耐冇傾計，宜家都仲可以聚埋一齊討論同玩。琴晚，同肥鬼傾計個陣，佢地同我講阿珠喊得好犀利，我唔知發生咩事啦，我就跑過去問佢咩事，阿珠攬住我係咁喊，我問佢咩事，佢正係一直咁喊，我就比佢喊完先問佢啦，原來佢同余蛋發生左一ｄ事，我呢到唔放便講，但係我係到諗，男女之間既事真係好煩，我真係唔敢再諗啦！

　　夜晚仲做左一件好感動既事，同家姐提及劉ｓｉｒ唔開心既事，我冇講到咩事，因為唔想太多人知，但係我就同佢講我好擔心同好唔開心，我仲同家姐分享左我同劉ｓｉｒ既事，我以前既事，以前我都唔知點解我唔會搵家姐同佢講我既唔開心，佢話〔你同劉ｓｉｒ既事估唔到會發生係你身上，我正係覺得呢ｄ事好似拍戲先有，我知你同劉ｓｉｒ關係好好，但係估唔到你地ｄ關係比我想像中覆習〕老實講，我真係唔識表達我同佢之間既關係，神真係賜劉ｓｉｒ比我係一件我好感恩既事，我好想同老咪分享我劉ｓｉｒ既事，神點樣帶佢黎改變我，劉ｓｉｒ話我大個女，好多野都，要自己解決，我唔想自己面對，我好想劉ｓｉｒ都一直係我身邊幫我，但我知冇可能，我宜家就好似一個要返學既細路，好想媽咪陪我返學，等我冇咁驚，但係人總係要長大，佢冇可能一直陪住係你身邊，不過有樣野我好肯定，就係佢唔會離開我，佢既心永遠都留係我到，呢樣野陪住我就好夠好夠啦！

　　１點幾之後，秀德舊生就陸陸續續走，而我啦，家姐啦，阿珠，阿邦，劉展個班就留多一晚，但係家姐話好掛住阿熾，屋企功課又未做，但係我唔想咁快返去，因為呢到有一班好好既人陪我，我都好明白大家姐既！但係當我唔知點做好既時侯，家姐決定聽日先走，真係好，我知道又係〔佢〕係到幫我。哈∼我同劉展個班落水玩到癲晒咁呀今次個ｃａｍｐ，見佢地一班咁好朋友，真係覺得佢地好掂，每個人都有唔同既角色，但係佢地都唔會因為佢地角色與角色之間大家既衝突令到佢地爭吵，呢樣野係我好佩服。

　　夜晚既事侯我自己坐埋一角聽歌．分開左４隊人，一隊就係阿珠同余蛋，家姐同佛ｋｉｎ打排，劉展佢地傾兄弟ｄ野，最後就緊係得我自已一個啦，我係到聽海浪聲，係到諗劉ｓｉ既事，係到諗自己既事，點知劉展詔黎陪我傾計，佢問我做乜係到坐住，佢陪我傾左好耐。

　　佢問我覺唔覺得二仁班係全級最唔公平既一班，當然我知道二仁班既問題，你估我唔想解決咩？我連我自己想點都唔知，我唔明點解校長要我入黎呢班，我好討厭，但係黃永基曾經同我講過〔如果我放棄，二仁班更加會放棄〕我知道要搞好二仁班，要好多好多野，但係我仲未搵到一個真正要我改變佢地既理由，劉展仲同我分享左佢地兄弟既事，佢真係好叻，我知道佢真係一個好好既朋友，佢教左我好多野，佢仲話我其實我叻架啦，面對住一班咁有困難既人，呢句說話曾經都有人同我講過，我真係好煩，我唔知點解面對二仁班！

　　佢真係好好，佢陪我行左個沙灘幾個圈，陪我傾計講出佢既感受，唔知點解佢咁得意－－’同佢傾計每次都係開心而回，我好想同佢講我好多事，但係我都係冇講出口，好奇怪，點解我做唔到，不過我都係有分享我既困景，我真係好辛苦，我可以為二仁班做乜野？