好慘呀，啱啱睇完《亂世佳人》... 日本軍非常殘暴... 殘害忠良，無辜市民... They were really indecent and despicable... 我睇緊時猶有餘悸... 我感性嘅一面又要表露了，真係可以為咗今日嘅情節，日本軍所作所為大揮筆墨，佢地嘅罪行，真係竹罊難書...

搞到我想係咁追《亂世佳人》， 無他的，因為呢套係無線近年比較好睇嘅一套劇，好逼真... 將當年風貌描繪得栩栩如生... 有啲震撼性... 星期一會講南京大屠殺，我唔可以錯過架~~~

今朝起身超攰... 成日都好似無乜精神，結果三點瞓晏覺，去到六點半先醒... 簡真係大昏迷~~~ 依家其實都無乜精神，但係瞓覺又腰骨痛... 所以... 頂住呀~~~ As a result, 我今日都無乜點溫書~~~ 咁就浪費了一日... 仲有三十幾日俾我... 要努力呀~~~

屋企人去咗將軍澳，大表哥要結婚，今晚上頭，「一梳梳到尾，二梳白髮齊眉，三梳兒孫滿地」，我好鬼憎啲傳統ritual，好煩耐，好似例行公事咁，所以今日可以唔去，就唔去了。淇淇就蠢咗啦，去到大姑媽到又無野做，又夜... 搞亂晒生理時鐘~~~ 聽日就要去太子飲... 都好啲，比較近。但係成九點先有得食呀~~~ It's really tiresome~~~ 唉，只可以喺diary到講，對住佢地只好啞忍... 鬼叫我係最細咩。睇開啲啦，表舅父~~~

所以我第日結婚，都係要西式了。最唔鐘意應酬人。我覺得唔使話又擺酒，又上頭囉。都係ritual嚟啫，攞個利利是是啫... 可有可無。第日，一結婚，最好即刻同伴侶走去honey moon，避晒啲人，咁就唔使煩啦~~~ 因為我覺得結婚係兩個人嘅事，最多同屋企人食餐飯就可以，唔使搞到咁大，方死人地唔知咁囉，又煩，唔同人又有唔同嘅招呼方法。一唔啱就鬧... 不過，話晒我係最細個啲(仲有兩個表妹同淇淇細過我，跟住就係三個表兒甥)，或者，可以偷雞嘅... 因為係最細，啲大嘅都唔會點理我... 所以，正合我心意呀~~~

P.S. 啱啱轉咗做Mariah Carey嘅Without you, 經典呀，原唱又係Air supply。近來係咁聽呢首，超好聽~~~