呢2日好充實, 成日都喺廚房, 尋日試整榛子曲奇, 今日又整左2個旦糕, 之後仲未夠......再整一盆朱古力......直至所有�H材料都用晒......傻鬼左!
榛子曲奇
屋企有包買左一段時間�H榛子, 嚇然發現下個月就到期, 心諗邊有時間整野呀, 又要浪費啦! 睇吓個價錢牌......嘩! 25蚊先得嗰100g, 好肉赤......於是埋頭苦幹喺廚房試整榛子曲奇, 雖然係第一次整, 但效果比預期好, Aileen 仲話有75分!
    
芒果啫喱夾心毛士旦糕 vs 熱情果啫喱夾心毛士旦糕
見街市啲芒果咁鬼大只, 忍唔住買左幾個黎做毛士旦糕, 但又想試新野, 所以今次就喺個旦糕中間夾左層啫喱, 又見雪柜仲有一盒熱情果蓉, 所以同一時間整2只唔同�H味道......哈哈! 熱情果留喺屋企食, 晚飯後試食過又幾好食喎, 今次 Aileen 比95分, 我問佢嗰5分差啲咩? 佢竟然答我"冇野係完美�H!" 激死! 芒果聽日攞返公司請人食, 頭先諗住幫個旦糕裝飾吓啦, 點知一淋啲啫喱喺面就衰左啦......希望啲啫喱凝固左之後可以補救啦!
        
冧酒榛子朱古力
冇錯, 又係榛子......因為整完曲奇仲有剩......
因為今次落左冧酒, 而且朱古力又所剩無幾, 所以只係整左十多粒, 聽日又諗住攞返公司搵"白老鼠"......
都怪我懶, 啲榛子整得唔夠碎, 所以用唔到唧咀, 結果啲朱古力�H外表就好醜啦......
    
辛苦完一輪, 行出個廳度見到只 Pooh, 於是又同佢影特寫......
   
今期加送"懶訓豬"一只......
|
