今晚佩詩阿媽約左我食飯, 識佢咁多年都好少同佢坐埋一齊食飯傾計, 今晚天南地北傾左好多野, 其實佩詩阿媽真係好好, 唔惡之餘又好明白事理, 佢真係身在福中不知福, 如果我有個咁嘅阿媽就好啦! 其實今日心情好 down, 全因老華嗰個電話, 呢個電話令我死好多細胞, 腦海浮現好多好多問題...... 究竟佢知唔知自己做緊咩?  究竟佢當我地係咩?  究竟佢幾時先至會生性? 究竟佢覺唔覺得負左我地? 究竟我咁對佢係咪好絕? 諗起佢我就覺得好頭痛, 我前世同佢究竟有咩瓜葛?  今世個天要咁對我? 咁多年來我經歷嘅野都比一般人多, 生長喺無親家庭, 入女童院, 寄宿, 呢段日子我見識到好多野亦係一個好灰嘅童年, 呢一切係邊個比我嘅?  其實個心好唔舒服, 但冇地方發洩, 真係好想喊一餐勁嘅......