|
|
終於搬左過朗豪坊啦, 尋日執左成日野, 攰得很......
新 office 好光猛, 整層唔算好大但員工嘅工作範圍大左, 環境好左, 一人有張差唔多6尺長嘅枱, 比起以前嘅籠屋位直頭好似搬左去套房一樣, 哈哈!
最欣賞係同事與同事之間有塊板隔住, 雖然細啲但好過冇......而我就最鍾意自己個位, 喺個窗旁邊, 望住個無敵靚景, 做野都開心啲, 就算加班條氣都順啲.
起初以為同 Ida 會隔得好遠, 繞場一周後發覺我地只不過係隔左條後樓梯啫......反而同 Christy Tang 嘅距離仲遠呀, 以後佢要自己顧自己啦.
聽日就正式開工啦, 我尋日已經執好晒啲野, 聽日應該好順, 但其他同事應該會有好多問題, 幫到就幫啦, 幫唔到都冇乎, 千祈唔好阻住我做野就得啦...... |
