一連放左4日假, 聽日要返工啦, 有啲唔開心......死啦, 以前我會好期待返工 ga......話時話, 呢4日我真係完全放底晒公司啲野, 冇 check 過 email 呀, 真係未試過呀! 4-27-07 呢晚約左 Sunny 食飯同睇戲, 睇左一部關於歷史嘅戲 - 蒼狼, 呢生人第一次呢!  仲要係講日文, 起初都有啲怕......悶......但比預期好, 起碼我有心機睇落去, 不過 Sunny 就覺得悶, 仲話呢部戲可以拍得型啲!  但我諗極都唔明歷史片點可以型???  我最欣賞係反町隆史嘅演出, 表情夠浮誇嗎......哈哈!  但令我好混淆嘅係整個歷史故事, 雖然中學時我冇修歷史, 但都睇得出呢部戲改左唔少!    4-28-07 呢日好晏先起身, 因為前一晚同 Sunny MSN 到4點, so crazy! 下午去左 Lorna 屋企燒野食, 其實佢間屋都好大, 仲有天台喎, 但佢地冇善用呢個咁理想嘅環境...... 4-29-07 呢日係培立 - 善的約會, 一年一次嘅約會點可以唔去呀! 意料之中, 我嗰期畢業嘅除左我一個都唔見...... 其實次次返去都好有 feel, 雖然已經離開左16年, 但就覺得好似剛發生一樣, 人與物嘅感覺都好熟悉, 如果可以的話, 我好想停留喺嗰段時間, 嗰兩年有太多開心和不愉快嘅回憶啦! 臨走前跟關校長傾左陣計, 見到佢搾住支柺杖行路唔係咁方便, 心裡有點唔舒服嘅感覺.  佢喺我心目中係一個百份百嘅 "鐵娘子", 好堅強好硬淨, 雖然佢而家要搾柺杖行路, 但一開腔所有人都會靜晒聽佢講野, 好有威嚴呀! 4-30-07  呢日喺屋企大掃除......好攰! 5-1-07 要收拾心情準備返工啦!