尋晚跟 Ida, Leo, King & Karen 去打羽毛球, 喺警察會打好鬼抵, 10蚊一個鐘咋......不過就好難 book. 打完波返屋企覺得好攰, 仲發燒呀......好彩今日仲返到工! 今日個 Job list 本來好 perfect, 預期應該可以準時放工, 點知五點多先至話開會, 個心立刻沉晒......結果梗係六點半先散會啦!  今日阿 May 講嘅嘢都好中肯, 反而覺得 Christy 同 Bonnie 有啲玩作對, 仲成日喺度含沙射影, 句句話都好似衝住 Stephen 咁!  仲有我覺得佢地唔係好體諒啲 clerk, 佢地應該落手落腳做吓就會明白佢地嘅工作唔係用把口講咁簡單! 夜晚約左 Sunny 食飯, 好似好耐冇同佢坐埋食飯傾計, 可惜我今日不在狀態, 否則可以再 plan 吓節目, 唯有下次啦! 話時話, 今日個頭好鬼重, 個身好熱但感覺好凍, 開會嗰陣好似入左雪柜咁, 返黎睇完醫生話我腸胃炎. 好在我今日食嘢都好鬼清......醫生話要清一清腸胃, 由得佢瀉......仲叫我如果唔係太肚餓就唔好食野......謀殺咩!!! 郭富城 vs 吳尊, 城城 sure win 啦!