今朝一早要帶細佬去整身份證~唉..8點幾就出左門口!!!!!!!攰死我呀!!仲要去長沙灣個到啵!唔好聽個名以為長沙灣係

好遠呀!我去到先知,個幢野係西九龍中心隔離!~之後就上去拎"羞"~拎完仲有9個字時間淨~就同細佬去食野先~食

左份豐富早餐呀!哈~都係大快活姐,但好好味呢~呵~食完十點啦~早3個字打俾老豆,同老豆講叫佢過黎~(我地要去

咁遠都係就返佢返工咋)~點知一等再等~等到11:xx先黎呀佢~唉...個到又冇得坐啵!企足咁耐~激死~老豆黎到,叫佢

拎表我填...所有野都係我填~入到去影相(細佬)...有d野又係我填~老豆只係負責簽名~我變身成為方家文員呀!哈

~~唉...等完又等...等到12點幾左右啦~咁就走得~老豆就準備食晏~我地就返屋企~見佢咁忙碌都替佢辛苦呀!><!

返到屋企1點都未到呀!!!就睇陣電視啦~幽靈公主呀!我未睇過啵~咁見到差唔多播完..咪睇下囉~又幾好睇啵衰鬼~睇

完~我就訓教啦~一訓就訓到4點幾~俾亞嬤個電話嘈醒左~傾完佢先話,「好啦我唔阻住你訓教啦~你慢慢訓啦~」

cut左線之後,我都有諗過再訓~但如果再訓~咁我今晚咪唔洗訓~咁咪決定起身玩電腦囉~咪打而家哩篇日記俾你睇

囉!如果唔係你邊有日記睇呀~哈~