今日毛啦啦8點幾.自動起左身~想訓晏d都訓唔到~一直攤屍咁攤係到同亞b sd sms~sd到9點幾左右啦~我起身換3

整野啦(出去食早?~嘩..約左人10點,我9:40先出門口,去到地鐵站已經9:55啦~5分鐘點去觀塘呀!俾對《惡魔翼》

我就差唔多,即刻以5分鐘時間飛去觀塘!!!去到觀塘10:15分~~~......

食完野~返學..差唔多11:00啦...一返到叫..A班同D班集隊,嘩...disucssion呀!!!Oral Exam呀!~都未準備好~~魚

~~死得~~~不過今次比上次Text好好多啦~~~上次講一句~今次講幾句~但grammar錯晒~哈~聽到人耳都大

埋!...6分鐘disucss完左...仲要同埋其他人一齊走~~等左幾耐呀!!!不過走個時都係12點左右咋~爆早呀!!之後仲同

lun哥班人去左apm(亞婆摸)呀!...一路行一路玩...勁好笑~......行行下,,見到最低層有野睇啵~奇人奇技~嘩..個個

外國男爆勁,用鑼絲同鑼絲鈚插入個鼻度呀~咦...仲用鎚仔搥入去啵!!!勁恐怖~之後又用兩把劍,一把長一把短,咦...又

插入喉嚨呀!痴線~仲有...著精神病人著既3(同鎖鎖住),再用鐵鏈鎖住上身,之後佢話3分鐘解開身上所有既~嘩...見到

佢就辛苦呀!係咁爭擇...搞到成身紅晒~佢用3分幾搞掂,勁.d人話遲d將佢成績串申入健力士呀!癲嫁~......睇完我地

就去左kfc食野~搞笑~食完野洗手仲係到玩人地部吹手機~弱智~不過係後面睇真係幾似......哈~~~核突!!!!!!

食完野...返屋企...玩電腦...到而家...

ps:今日報紙咪話有對學生自殺既,兩屍三命呀嗎!咁呢..亞嬤打黎叫我唔好做傻事啵! @o@?呆左~「下..咩事呀?」「人地毛啦啦為情自殺呀~你唔好呀!有咩事講出黎,唔洗死嫁?」「@o@!哦,我唔會好似佢地咁白痴既~」「嗯,你話呀!到時就唔知呢~你有bb點算呀!」「唏,點會呀,而家連男朋友都未有呀!你同我定啦!」「嗯,係呀,你明白,提埋細妹細佬呀!」「嘩,細佬都要呀?得11歲咋啵!好似快左d啵!」「咩快呀,轉個頭就18歲嫁啦!人地都係得16,7歲咋都自殺啦!」「嗯...得啦~我唔會為情自殺做埋d咁白痴既野!」「嗯...唉.個女仔都幾靚女嫁,個男仔都好靚添呀!人地仲係會考生添~你下年都係呀!有咩唔開心野講出黎,唔好鬱埋呀!」「嗯~得啦~放心!」......同亞嬤講完電話次後覺得好得好笑~亞嬤老得非常之可愛呀!哈~胖嘟嘟既身形,都幾高嫁我亞嬤~掂到跌渣!!!!!!!!!!!!!!哈~