失敗kusa呀!今日慶校補假唔洗返~訓到11:57am分呀!勁!食完野~就開始玩電腦啦~online既全部都係慕光人~勁傾

勁傾~打字都打到手軟呀!平時又唔見咁多人add我喎..今日爆多~緊係啦~亞b同潘少感情史...有變呀嗎~唉...一日都 

係潘少既錯~但又唔可以怪晒佢啵~最錯都係個個叫亞曾既人佢一出世根本就係一個錯!激死人呀!好彩...潘少都知錯

~如果唔係...咁好既女友咁就冇左啦~冇事啦~告一段落喇~~~有段時間悶到我嘔茄呀!......等到五點幾就出左去啦

~今日星期二呀嗎~去學野lu~平時放學直接去(著校服)...今日唔同呢~著返穿學野個套~出到街好多人望住呀!緊係

啦~放學時間呀嗎!約埋其他人係油塘等~ya~我最早到~得個等字~等齊人就出發啦~~~......

今日c父教返上次個招呀!唉...跟唔上呀!!!次次睇完c父做之後..自己企係到..等亞b同亞蚊做好先可以教我~學新運動 

都冇咁難呀!唉...超無奈呀!~慢慢慢慢慢...一步一步黎~都可以話學識左d啦~之後c父又教我打伸縮棍啵!ok啦~都得

既~呵~我對手係亞軍..佢做d行為係咁引我笑,我都唔知點打好呀!哈~~之後c父教亞b同亞蚊打鼓啵~我就同佢地幾

個踢毽啦~勁搞笑~不過最可惜係個毽最終都係爛左~傷心死c父~...一路傾計一路學野~學到9點幾走人lu~......

c父走左...我地去左食野啦~我地揀好d野食啦~個個人先同我地講冇哩樣冇個樣~白痴eric就係到玩野喇~eric:「不

如你圈晒冇既野俾我啦!哈」個女侍應笑笑口...佢好似覺得唔好意思咁~唉...玩完一輪終於有得食喇~eric一路食一路

玩呀!係到講要咖哩魚旦走咖哩~米粉走米~咖哩湯底走咖哩!哈~勁玩野~哈哈~笑死呀!...食左都差唔多半個鐘啦~基

本上得兩個字食野,其餘時間都係笑緊嫁~痴線的!.........諗住搭地鐵啦~點知佢地要去買野啵~我地就企係到等啦~

我地係到研究把劍點拜先型啦~又係到扮型抆劍啵~點知俾對情侶見到~條仔:「嘩...華山女俠抆劍呀!我好驚呀..嚇親

我呀!」條仔講完我地係到笑~白痴仔~佢可能想扮風趣氹佢條女呀!點知佢條女唔so佢~笑都冇笑~勁燸呀!哈.......

返到屋企11點到啦~沖涼先~沖完涼就玩左陣電腦啦~仲未做功課呀!打埋日記先做呀!~而家就黎1點啦~~都唔知幾

點先可以訓呀!作文呀!~努力!!!baka kusa呢~