| «‹ October 2015 ›» | | S | M | T | W | T | F | S | | | | | 1 | 2 | 3 | | 4 | 5 | 6 | 7 | 8 | 9 | 10 | | 11 | 12 | 13 | 14 | 15 | 16 | 17 | | 18 | 19 | 20 | 21 | 22 | 23 | 24 | | 25 | 26 | 27 | 28 | 29 | 30 | 31 |
|
2009 年 6 月 20 日 星期六  |
燒烤日  |
分類: 未分類 |
前幾日,碧碧約左我於今朝既十一點半至十二點喺水邊圍輕鐵站等.琴晚同阿爸睇洲際國家盃睇到好夜,所以我喺十點九起身,梳洗一陣之後,喺十一點半開始等佢,等左一陣,喺十二點撞到老練同徐仔 ,真係咁巧合呀!!!等左碧碧成半個鐘,佢問我屋企有冇紙袋?佢同我講話有D野想裝住,跟住我番去屋企攞紙裝繼續等佢.
當我再返到輕鐵站既時候,見到逗文啱啱到左,佢仲叫我記得攞埋PSP同啤牌,因為我地班有二十個人燒野食,佢驚唔夠啤牌玩.之後,我同佢地去我屋企樓下既會所去溫Oral,點知碧碧竟然冇攞我托逗文借俾佢既筆記,搞到我地冇得練Oral.
之後我地睇完大話妹之後,碧碧同逗文都走左,然後我上返屋企,等老練同徐仔佢地打麻將,好耐都冇同佢地打啦,真係好開心,原本我仲啉住同佢地賭錢打麻將,點知道阿朱冇錢,唉,都係算啦.唯有就咁打牌啦!!!
打麻將打到五點幾,逗文打電話同我講,叫我同佢霸位,話禮拜六好多人燒野食,我心啉我地班六點鐘先至燒野食,駛唔駛咁快霸呀?打完麻將之後,我自己搭輕鐵出黎蝴蝶灣霸位,霸左一個鐘頭,佢地先至黎到燒野食,喺呢一個鐘頭裏面,我真係好悶,都唔知坐喺度做咩,果晚真係好熱,不過都幾開心既,可以見番咁多同學,果晚我地玩到成十二點鐘先至返到屋企.
|
« | 1 | 2 | 3 | 4 | 5 | 6 | 7 | 8 | 9 | »
|
