今日我八點半點起床,同阿爸阿媽搭的士落舖頭,一落到車,見返阿龍同埋阿文,真係好開心.由其係阿龍,因為我同阿龍已經有一年冇見啦!我有好多野想同佢講.傾左一陣,阿爸叫我地喺商中度等佢.一等就等左成四十五分鐘,今日我連早餐都冇食.從未試過為左做野而咁博!等到阿爸黎到,我仲以為有D好緊要既野做,點知原來係喺架貨車後面不停按掣,控制板既上落,我係咁同阿爸講想搬貨,點知佢唔俾暏,唯有喺佢見唔到既時候搬囉!

搬左成個上晝,唔知點解都唔覺得累,真係奇怪,我連早餐都冇食喎,照計都應該冇乜力架,阿龍仲同我講好勁,冇食早餐都咁搬得!哈,我都唔知點解會咁架!到中午放食飯,已經係一點半啦,時間真係過得快,恍如瞬間即逝!到晏晝既時候,我地繼續搬貨,我搬到四點幾就走左啦,因為我要幫阿媽還DVD,如果今日唔還既話,就要罰錢架啦,所以我返到屋企冇幾耐,即刻去還.今日做左咁耐,個身體冇以前咁累,可能係近日練跑操Fit左呢!!!!