我讀完信義呢一年裏面,發生左好多開心同唔開心既事,開心既係開始左新既生活,以及識左好多新朋友.另外,喺壞既方面,我識到一d損友.
喺開學既頭幾個月,自從加入信義既大家庭之後,每一天都過得好愉快.但是,原來有好多野,都唔係喺我既想像之中.我學識到點樣去選擇朋友,誤交損友而造出唔應該做既事.因為有好多時,跌左入當中都唔知,成日都俾人玩(連安全套都試過俾人放落書包},朋友幫唔到我.其實,喺呢段時間裏面,我的而且確好唔開心,好唔想返學.另一方面,我變得好墮落,成日同佢地玩無聊既野,玩完學同D損友去球場食煙,唱K唱到好遲先至返到屋企,初頭我覺得呢D野唔好,但後來都俾D損友感染到,覺得呢D冇乜所謂.但是,我啉深一層,發覺我真係錯啦,心想{點解你變到咁,變到自甘墮落?}
每當我啉返起以前喺香島做風紀既時間,申張正義,協助老師維持學校既秩序,為自己做過風紀而驕傲,同時,我為自己成為一個壞學生而慚愧.將一D錯既事,都認為是啱.以前我覺得呢個世界只有公義,冇黑暗,朋友識得多越好,佢地唔會害自己,只要對佢地好,人地就會對你好等等.但是,原來我呢D想法好天真,完全是錯既;人有私心既想法,完全冇啉過!
其實,喺信義既呢一段時間,雖然係得多過失,但是,呢D得着喺香島既時候係冇既,喺信義,我明白呢個世界有好多唔同類型既人,就算俾人蝦,我都覺得好有得着,因為佢令到我可以反省一下,我以前犯既錯誤,Learn by mistake,下次唔好再犯同樣既錯誤!將來,我會可能遇到一D好煩或者為左自己既利益而不擇手段既人,以後我會知道點樣做!
經過呢一年既讀書生涯,由呢D唔好既事物內,學到喺書本裏面都學唔到既野,令我獲益良多!
爸爸同媽媽,我會生性架啦,以後會小心D識人架啦,唔會再識埋損友,唔會再令你地擔心我;雖然我地屋企唔有錢唔窮,但是我成日喺度呻,話唔想返學,身在福中不知福,真係好唔應該,呢排做野我先至知道做野搵錢好辛苦!
爸爸,你呢排話我話得啱,我最唔應該係成日啉埋D無聊野,點樣識女仔,送咩野俾佢呢種事架啦,以後我會俾心機讀書,接手你同媽媽一手經營既傢俬生意,用時間去證明一切,表達俾你'媽媽同埋我既朋友知,為左我自己既前途以及將來既生活而努力!!!!!
|
