剛剛睇完同事三分親

好慘...
陸堅原來有老婆仔女...
係黃家楠心目中最愛佢0既呀堅原來早在佢未死之已經唔係到...
諷刺0既係 呀堅死左咁耐 黃家楠對佢都無變過

如果黃家楠知道呢個秘密 童話就破碎了

點解? 點解"童話"永遠是"童話", 而不會存在現實世界?

我成日覺得 我0既爸爸媽媽就好比一個童話
結婚 生仔 同而家個個都咁大
感情到底係點維繫?

我好少見佢地二人世界
我好少見佢地手拖手
甚至夜晚一齊訓得0個兩三個鐘 房永遠唔會鎖門
但係我永遠都無見過佢地鬧交

有時聽呀媽話"你唔好咁咁咁咁呀, 你呀爸又會話我嫁啦"
好似我呀媽就晒老豆咁
不過呀媽無啦啦發脾氣 明明無道理仲要話老豆 掉爛晒d碗碟
我呀爸又唔會好出聲 過無耐掃返d爛晒0既碗碟 就無事發生過
當我呀媽野蠻到我都睇唔過眼0既時候
我老豆咁大男人都忍到

現實0既童話, 係需要付出