2006 年 3 月 21 日 星期二 
B4U SKY ．見面 ．感覺
唔知係唔係呢排食得熱氣太多...
喉嚨痛...仲見有D暈...
返兩份工...講真丫,真係唔易...仲話想讀埋野...
都係遲下先諗啦
上半場:今朝起身返工果時,把聲已經沙哂
又冇咩精神做野...唉!唔多掂
好在冇做錯野=.=加上德哥心情靚
安全渡過!哈哈~本來都諗住唔返屋企
但係又想沖涼,都係返左去
返到去阿勤同爸爸又要用廁所,攪到我都唔知返左屋企做咩=.=??唉!
返KJ
下半場:今日都係冇咩野做,要出既貨係上晝已經出哂...
之後等食飯!
下晝遊下遊下又4個鐘!入埋D貨入廠,SET聽日要做既野
放工!好野!
放工突然想搵盈盈...
先返屋企放低D野先,返到去又見到輝輝打緊鼓
阿勤又話同輝輝出去探世伯
我又要出沙田,大家準備好哂之後就出發啦
係火車同阿勤打MHP...力盡=.=...唉
阿勤佢地就出旺角,我就係沙田落車
到左步之後買左少少野食,就去CITY SUPER啦
好耐都冇來過啦!
每一次刻意去搵盈盈,佢次次都唔係樹
今日隨意咁去探佢...一入去就見到佢...
交低左D野比盈盈,傾左兩句...就走左啦
其實真係想傾耐D..不過呢,我把聲咁性感=.=...可惜丫
走左之後行左一陣街,諗住搵埋阿勤佢地食飯
但係佢地又話行多一陣,咁我就一個返上水先
返到去本身要睇醫生既...但係極度眼訓...
都係返屋企...
回家之後媽媽又炒左飯,正!有野食丫
食埋飯都已經係10點幾=.=....嘩!訓啦~~~~
B4USKY~*:)就算工作幾辛勞也好,都不忘想起妳
就算帶著病也好,都很想見見妳...
就算...
怎樣也好,都想令妳開心一點點!
妳知嗎?...
笑多D丫!咪做喊飽丫~
 送花比妳啦,好耐冇送過啦~
2006 年 3 月 20 日 星期一
B4U SKY ． 大爆彈G ．Abyss
琴日休息訓左成晚,訓得幾好!唔錯
不過都係岩岩好醒到,返到KJ岩岩好8:30=.=...
KJ:今日冇咩單做,都係一兩張
之後學下新野咁,都幾得閒
不過入庫就入到我暈...一.一"
放左工之後,返到屋企見到陳炳周輝輝係到打鼓
我就係咁撩阿勤同我打MHP
我要逆鱗丫!~
打左兩舖,大家都冇咩收穫
不過我就"火龍逆鱗"X1...
之後果一舖就出事了=.=...
打打下兩條龍...我突然比條雌火龍打暈左
跟住我係咁頭暈暈咁...(我係講緊我用緊個人仔)
之後有條叫Abyss(者係阿勤)佢條死就係我隔離放左一個...
大爆彈G....
冇錯...係G CUP
有玩過MHP緊朋友,大家都知佢既威力有幾大...
就係我未出聲之前,阿勤大嗌左一聲!!嘿嘩~
佢就將我連埋條龍一齊炸屎左啦....!!B4USKY...力盡!
之後QUEST CLEAR!!大家去挖野...佢條粉腸丫
火龍,雌火龍逆鱗各一喎...我頂丫!我心諗唔係掛...炸死人仲對佢咁好!?
跟住就係出納品既時候啦
我又頂!仲要出埋紅玉比阿勤!?問號???仲有冇丫~?
唉!如果返到集會所仲出埋銀卷比佢...我真係打爆佢部機...=.=....
大家打完之後,我食少少野...唔反啦!訓=.=....
B4USKY~*:)PS.................實在太唔公平啦!
2006 年 3 月 19 日 星期日
B4U SKY ． 休日．MHP地獄
今日係o係做KJ以來既第一日既假期
全日都係到諗,今日究竟做D咩好...!?
加上,我係市場果到同德哥請左一日假...
因為想抖抖,呵呵呵!
原本今日星期日係我同小新佢地去打麻格既日子
可惜佢有約,冇去到
大家係街市食左個早餐,就各自走人
返到屋企諗住恰一陣
一陣出去搵詩姐食飯
點知係10點幾起身果時,阿勤叫左肥豪同肥銘佢地上左來
佢話幫我整EQ喎...實在太感動啦!多謝哂你地
之後我地一齊打"熱風與落雷"又鬼死激丫,分開左兩TEAM人一齊打電馬仔丫
好玩丫!爽,打左兩ROUND就整好左S裝!好開心丫
之後一路同佢地玩,跟住晏少少又爆SEED,超爽!
佢地走哂,我同阿勤繼續玩
火龍紅玉X2入手....呵呵!
玩到11點幾!訓覺嚕~
B4USKY~*:)今日好玩丫!!哈哈~
2006 年 3 月 18 日 星期六
B4U SKY ． 簡單 ．複雜
琴晚7點就上左床訓...但係0係臨訓前整到自己隻腳一下=.=...
好...痛...
訓醒開工果時見整親果隻腳好痛...SHIT!
今朝返市場遲左一丁點兒,呢排少左咁多貨,都係再早D起身先
又係果一句,好快又完左一日既上半場!好野~
由於聽日就係星期日,唔駛KJ,咁我又唔想聽日放左市場之後
攞D衫褲返屋企,又見咁早,就決定返屋企放低D野,跟手恰一陣啦
好在爸爸叫醒我,唔係就大鑊,返到KJ!呵呵~"剛剛姣"!哈哈
一早跟返今日又出既貨,做做下傑哥要出去寄貨
咁我就FREEDOM啦!呵呵呵~
由於冇哂野做,休息左一陣
之後去入我覺得做KJ最煩,但係佢其實係最簡單既野...
就係...入數=.=...
真係好煩架,又多LOT.NO...型號喎...入錯一頁紙
到月尾盤點就搵到暈啦...所以,情願入慢少少,好過攪錯哂成盤數
不過都要一路快落去先!
今日全日就係係到入數...再入數=.=....入到我暈...
到左5點,放左工去左大新個竇到吹水
吹左一陣之後!返屋企打日記!訓覺~
本來諗住訓覺,但係見好耐都冇開過MHP呢玩
就玩左一陣,之後阿勤踢完波返來同我玩左一陣
跟住打老山龍...好野,老山龍逆鱗終於入手
"超滅一門"第一階段完成左
之後肥鵬過左來上水,我地三個人就一齊出去食晚飯
食完之後,去左買GAME,因為千呼萬喚既"FINAL FANTASY XII終於都出左
再睇一睇家用機DM V亦都出左,丫!屋企個打鼓掣終於唔駛封塵啦!
返到去試左新GAME,XII D CG已經去到化境...靚到非常,可惜太眼訓啦
都係閃去訓嚕!呵呵~
B4USKY~*:)PS.好野!聽日放假啦~~~~~~~~~
2006 年 3 月 17 日 星期五
B4U SKY ． 工作 ． 工作
琴晚成9點先訓...唔係訓得幾好...
今朝準時返工...雖然係最早到
但係德哥架車已經一早到左,只不過佢係車訓覺者...
貨少左好多...大陸個菜場來貨好少
唔知係唔係天氣好差,D菜死哂-0-"
好快又完左一日既上半場
上街市食早餐,食完施施然咁返KJ
之後HIAR左一陣,下半場START!!
今日包野真係包到手軟......
放工拿拿聲搭車返屋企
之後係上水睇花花,睇完返屋企...
玩左一陣MSN煮左個麵食...訓覺!又一日啦
B4USKY~*:)PS.返左兩份工之後,飲食變得好定時
一日三餐...真係定時定侯=.=....哈哈
不過...生活變得平淡呢....
如果星期日可以同自己既另一半行下街
散下心...幾好呀!哈哈~(發夢中)
|
| B4uSky |
|
|
暱稱： B4USKY*:D
性別： 男
國家： 香港
地區： 東區 |
| MORE... |
|
| «‹ September 2026 ›» | | S | M | T | W | T | F | S | | | 1 | 2 | 3 | 4 | 5 | | 6 | 7 | 8 | 9 | 10 | 11 | 12 | | 13 | 14 | 15 | 16 | 17 | 18 | 19 | | 20 | 21 | 22 | 23 | 24 | 25 | 26 | | 27 | 28 | 29 | 30 | |
|
|
