B4uSky : 個人主頁 - 相簿 - 訂閱  [ QOOZA - 論壇 - 登入 ] 2006 年 3 月 11 日  星期六                                                   B4U SKY ． 準備 ．準備                         英國皇家心理測驗!! http://nicwong.com/test/psycho/england_royal_test2.html 呵!呵!呵~~ 今日練下BM IIDX(ANOTHER) 抖下~為下星期準備!! B4USKY~*:)PS.再次努力一下啦!                       刊登時間︰2006-03-11 09:18 AM  [ 訪客留言(0) ] [ 編輯日誌 ] [ 分享至FACEBOOK ] 2006 年 3 月 10 日  星期五                                                   B4U SKY ． 想 ．想了又想                         天氣暖返好多,我鐘意丫!呵呵! 呢排開工都冇咩精神,成日諗呢樣諗果樣 攪到自己冇咩心機做野,不過呢 都係開頭果陣者,一搏命果時就淨係諗住做快D!KAKA~ 放左工又係早餐時段! 食完返屋企煲下MHP,一路玩丫玩!玩到2點幾收工 訓覺! 醒既時候已經係9點幾,食左盒飯(唔該媽媽) 之後同阿勤厄MHP,不過有冇搞錯丫,我打幾廿次老山龍都冇逆鱗 阿勤一打就有,真係可遇不可求...我都係要一粒者,乜好貪心咩!? 玩到11點到!再訓~ B4USKY~*:)PS.諗來諗去...                               都係再接受挑戰啦!GOGO!! 今日上傳左幾張果日影既相上來,大家睇住先啦! 睇完D花,心情都好好多!咩煩惱都冇哂~哈哈! D鬱金香真係好靚...       多謝收看!BY B4USKY~*:)                       刊登時間︰2006-03-10 02:34 PM  [ 訪客留言(0) ] [ 編輯日誌 ] [ 分享至FACEBOOK ] 2006 年 3 月 9 日  星期四                                                   B4U SKY ． 2006年．香港花卉展                         天氣好差呀,能見度好低,好似好大霧咁 好難抖氣咁,做野好辛苦丫! 今日少返d貨,做野做得幾順...不過呢,呢排梗係好似唔夠訓咁 訓極都好攰... 好快又放工!開心d咁做野算啦!唔好諗咁多~ 之後同爸爸上左街市食早餐 食完之後搭巴士走,硬係唔明d人點解咁鐘意企係咁前 係唔企入d架喎,係個門口迫住哂,d人點上車丫!頂~ 之後爸爸罵班未訓醒既學生~xdd! 返到屋企諗住等到9點,就上KJ出糧,但係太眼訓...都係訓左覺! 係2點鐘到醒左,之後換衫,帶相機!準備去2006香港花卉展 先落左KJ出糧先,上到去見葉小姐... 佢同我傾左兩句,問我做咩做得好地地唔做...係果時我都唔知點答佢好 咪求求其其講左個大話囉...跟住佢又問我想唔想返去做... 我又諗,點解佢會咁問我既...又比返個機會我咁... 其實係果一刻,我真係想應承佢返去做,因為以家都幾難搵到一份咁好時間既工 朝8:30晚5:00就係好好,對於我來講! 但係如果係好做既,我就唔會走啦...不過我又係到諗,我咁既資歷,又可以做咩工呢... 比D時間我,我最後答左佢一句!之後就走左啦~ 跟住就出發去維園,睇花卉展啦! KCR轉MTR到左銅鑼灣,行左兩步就到,呀!咁大個仔都係第一次睇花弁展... 其實以前對花都係冇咩興趣,但係識左一個朋友之後,漸漸對花有D好奇啦!哈哈~ 入到去睇睇先,個會場好大丫!好多花,一入到去就已經嗅到好多既花香啦~ 呢個感覺都係第一次接觸到!個感覺好得意... 之後去搵下花影下,今年既主題花係"石竹"不過呢,D參觀者好似對呢隻花冇咩興趣咁 因為我發覺,最多人影既花,竟然唔係佢,而係上年既主題花"鬱金香"呢 係會場入面,有一個有齊~紅,燈,白,紫既鬱金香既大花圃...勁多人係到影相,我想搵個位影下都幾難!KUSO~ 跟住我影下相,又睇下人地賣花,行下行下又行左個幾鐘...跟住就走啦 好好睇丫!今年既花卉展~ 最衰既就係上年冇睇,因為上年既主題花係"鬱金香"丫 睇完之後見肚餓,去左M記食野,上到去見到有"新品種" 就係"飯包"啦=.=...不過我就冇咩興趣,因為個賣相都幾差下,對於我來講!KAKA~ 食飽飽之後就落旺角,但係搭巴士果陣又搭過龍,係紅磡下一個站落左車,我都未來過既,咩地方來架O.o?? 好在!有30X出旺角,不過就等左幾耐下! 過到旺角,就即刻過先達睇下自己想買既野先 不過!比想像中貴好多,一舊大DD容量既PSP電池...竟然要成3XX大元!有冇搞錯!? 所以都係冇買到,之後行呀行~想買一兩件TEE比自己,可惜又揀唔岩...放棄埋佢 留返D錢好過!行多一陣,就返屋企嚕~ 返到屋企食左少少野,打埋日記...聽日先整相!哈哈 B4USKY~*:)PS.今年既花卉展,其實好想約妳去睇架                             可惜...妳既電話成日都冇人聽...妳係咪好忙呢!?                                    休息多D啦~唔係條腰又發作啦~                                       PS2.頂丫!今日擊退左兩次老山龍都冇逆鱗....KUSO                                 MHP既地獄...有排挨呢!~                       刊登時間︰2006-03-09 10:32 PM  [ 訪客留言(0) ] [ 編輯日誌 ] [ 分享至FACEBOOK ] 2006 年 3 月 8 日  星期三                                                   B4U SKY ． 無聊 ．一路無聊                         無聊! 阿基返左來訓,嘈醒左我!準時開工... 但係佢傾既話題...都幾私人下,其實我係唔應該聽既 不過從佢既對答...就知佢以前點解咁揀! 知左少少咁...唉!算吧啦~ 返市場開工,突然勁多貨... 做到扒街!! 放左工本來想食早餐,但係爸爸有地方去 冇人陪我食,我就坐德哥車返屋企... 係車到聽德哥講佢個仔d有趣事,真係笑死我! 返到屋企之後即刻訓覺...諗住醒左之後去做要做既野... 點知訓到成3 4點先起身...又攰,都係冇出到 之後阿勤同波波返左來玩MHP,日日咁打,我開始有D悶... 玩到6點到,媽媽放早返左來,仲有野食,我食左少少野之後 玩多一陣,睇新聞,打日記~訓! 香港又話開多一個迪士尼來應付人流!? 唔好玩啦~以家D人真係...又唔知要填幾多海先多一個迪士尼啦! 儲錢去日本果個算啦,我香港果個都係冇緣架啦... B4USKY~*:)PS.想做就去做,係唔係自己諗得太多呢!?                               唔好再哂時間好嗎!?                                     應該係去爭取時間呢!                                        PS2.阿基唔經唔覺,已經做左師傅啦...做左咁多年,終於見有成績                             而且,仲開始有間舖比佢睇,呢幾日都見佢為左間舖攪好多野,好忙                             大個仔啦佢,叻!                                   我做哥哥既...都要比心機啦!                        刊登時間︰2006-03-08 05:42 PM  [ 訪客留言(1) ] [ 編輯日誌 ] [ 分享至FACEBOOK ] 2006 年 3 月 7 日  星期二                                                   B4U SKY ． 19小時 ．送命                         今朝又突然暖返...有成20度 前兩日又得7度=.=...係唔係就來世界末日呢!? 呢個都係一個迷 貨少左d,好快就比得哥散哂!好野~6點9就收工! 同爸爸阿光上左去飲茶,之後睇下報紙! 今日蘋果頭條,慈母,為養5女...做兩份工,挨19個鐘...攰死... 冇錯丫,係攰死左...我今朝睇到...個心超唔安樂... 因為我都試過做兩份...不過又冇成19個鐘咁激... 做野做到死左既,今日真係第一次見到... 好慘... 個5個女點過活呢以後... 大家都係香港人,點解佢地會咁慘... 而有好多以家身在福中不知福既...就日日去搵野來煩,又或都比麻煩人... 好心你地就收歛下啦!大佬~ 唔好去自尋煩惱啦好嗎!?有工你開,有飽飯你地食,有迪士尼海洋公園你地玩,仲想點者? 返屋企訓覺,本身都諗住出去行下既,又想去花弁展... 但係又唔想出去洗錢...so都係揀左訓覺! 之又但係訓唔到,so開左BM IIDX來練下,真係幾耐冇練過! 練左兩個幾鐘到阿勤班同學又來哂,又係屠龍時間! 打到6點幾,佢地走哂啦!我同阿勤繼續玩多一陣 諗住訓覺,但係媽媽煮左飯,食埋先訓 臨訓前開左麻格打左一陣,之後係10點到訓! B4USKY~*:)PS.又一天!!                       刊登時間︰2006-03-07 07:55 AM  [ 訪客留言(1) ] [ 編輯日誌 ] [ 分享至FACEBOOK ] « | 85 | 86 | 87 | 88 | 89 | 90 | 91 | 92 | 93 | 94 | ... | 145 | » B4uSky 暱稱： B4USKY*:D 性別： 男 國家： 香港 地區： 東區 MORE...   «‹ June 2026 ›» S M T W T F S 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 » 最新日誌 • 回來了．B4USKY • 身影．B4USKY • 記憶．B4USKY • 復完．B4USKY • 一個人!?．B4USKY » 日誌分類 • 全部 (721)

Nicola2007

dead1324

xenvirea

johnnyhui_yi

HIMIKO

lapsunpat

sininkcheung

ivan53542007

Max1324

Yvonne1989

wawa1817

wingnmac

顯示全部(26)

» 我的好友