夏令第5日:
早上5點起左伸,(尋晚2:00訓),訓得好好,但係點解會咁早彈左起伸架呢!?用左一粒鐘去上網..之後煮早餐,整左雲吞撈米粉!太好味了'(我要儲$,不可浪費!)同MIMI行番學'
今日交左張請假信俾MISS LEE,(遲交了!唔知批唔批呢!?)佢問我可唔可以叫網琴老師俾我遲去,叫我上埋學校既堂先走,如果係得我就唔駛請假喇!廢話!?
上完蕉哥堂,佢落堂都要問我一句:林詠彤,你今日駛唔駛留堂牙!?"蕉哥,你咩意思牙!?出到課室,MISS LEE叫我同佢一齊去校務處,係出面等一等佢!蕉哥經過笑住又話"我都話你要留堂喇,係咪呢.." 我窒哂羅!你好似好想我留堂咁BOR!
見到麥生,好開心同佢傾偈,人妖係我隔離但係都冇咁既福氣,話麥生顧住同我講唔理佢!
之後MISS LEE叫左我入去校務處,叫我見田鼠,佢入到去問我係LEE間學校讀左幾多年,話我點解唔知學校交請假信要3日前,我話我唔記得左拎!佢就係到"解釋",我學琴老師叫咩名,有兩間屋佢都要問,你做咩要起哂我老師底牙!?你只係田鼠黎炸!我依家有埋準考證俾你,你唔識字牙!?問我係哥個老師到學左幾多年琴,我諗左1秒都冇,未答得出,佢就話"你連自己學左幾多年都唔知道,你唔好學琴喇,唔好考琴喇!"駛麥請假去練琴JE!!"佢有冇過份啲牙!?佢"解釋"到我就喊,佢問我喊咩,佢話係同我"解釋",唔係鬧我WOR!叫我唔好同我屋企人講我俾佢鬧,我就係要講,有幾衰講到幾衰TIM牙要!
佢狂"解釋',但係解釋唔係應該心平氣和架咩!?點解佢會解釋到成個校務處都聽到佢UP麥!?擺明就係到鬧我,仲要為佢自己反博話佢唔係罵緊我,但係老師只會係幫老師,何況個個老師俾我既感覺同我地學生冇咩兩樣,共通點就係驚田鼠,佢講咩永遠都係對既!DIU!  麥生見到羅.我唔想俾麥生見到我喊牙,田鼠搞到我好似我係一個好壞既學生咁羅!食尻屎喇你,做左35年好巴閉咩!?想坐校長個位牙你'發夢喇'你永遠只係躲係校務處冇人注意你既一個小角落炸!離開校務處,MISS LEE問我點解會喊:我只係好勇敢咁樣答佢:MISS WONG D語氣好恐佈,我接受唔到!"MISS LEE既反應只係:MISS WONG係同你解釋JE,唔係鬧你既!"佢既語氣極之善良,可能係因為佢驚左田鼠而同情我吧!KAKA!其實睇得出個個老師都好驚哥隻又肥又樣衰既田鼠...
田雞多謝你關心我牙,多謝你影芝士墨魚丸俾我睇'KAKA!我唔會為一隻田鼠而唔開心喇'
 

P.S澳門聖羅撒女子中學中文部,非請勿進!勿自投羅網!田鼠勿近,後悔莫及,小心千年妖精田老鼠啲毛吉死你地!
                    一失足成千古恨!!

練琴練琴練琴練琴練琴練琴練琴練琴練琴練琴練琴練琴練琴練琴練琴練琴練琴練琴練琴練琴練琴練琴練琴練琴練琴練琴練琴練琴練琴練琴練琴練琴練琴練琴練琴練琴練琴練琴練琴練琴練琴練琴練琴練琴練琴練琴練琴練琴練琴練琴練琴練琴練琴練琴練琴練琴練琴練琴練琴練琴練琴練琴練琴練琴練琴練琴練琴練琴練琴練琴練琴練琴練琴練琴練琴練琴練琴練琴練琴練琴練琴練琴練琴練琴練琴練琴練琴練琴練琴練琴練琴練琴練琴練琴練琴練琴練琴練琴練琴練琴練琴練琴練琴練琴練琴練琴練琴練琴練琴練琴練琴練琴練琴練琴練琴練琴練琴練琴練琴練琴練琴練琴練琴練琴練琴練琴練琴練琴練琴練琴練琴練琴練琴練琴練琴練琴練琴練琴練琴練琴練琴練琴練琴練琴!成個腦都諗緊練琴,媽咪話我進步左!但係AURAL完全唔識!(呢PART我肯定死梗!!)真係好緊張牙!EE叫我幻想個考官係無著衫TIM!呢三日都要做隱閉青年了'

夏令第4日:
-收功課既時候,我俾人妖嚇死了!佢本書法薄有隻大強爬出黎牙,仲要係我面前TIM!人妖,咩你咁污漕架!我要同你分枱坐!(小朋友咩!?)
-人妖今日同我傾偈既時候話佢黑左好多,又講尋日番屋企有個賓賓見到佢之後就向佢打招夫,我真係笑到死左'因為多數賓賓見到自己同種人都會好熱情麻'說真的,依家人妖黑得似賓賓,難怪被人認錯!
-日日都係咁樣,對住D老師想訓教!葉敏儀仲講冷笑話:"我仲想讚下你地今日好精神TIM,原來係食左豬油膏,哈哈哈(狂大笑!),"我地俾佢既反應就係好無奈,我想問佢笑咩牙!?今日放學之後要留堂,多得葉敏儀,記我地欠交又要留我地堂;冇野麻你!?蕉哥見到我留堂就話"E..林詠彤,你都留堂牙!?我第1日識你,原來你係咁架,俾人罰留堂!(暗笑)你唔好學你身邊D成績差既同學牙(暗串緊袁淑雯)!"我LEE個月要俾蕉哥挽死喇'!!但係佢講D野真係好搞笑!
-原來留堂係背國文書,因為葉生唔得閒WOR,LONG唔留堂TIM,佢可能要留成個星期呢!背完之後我留低左係學校做埋數學先走,幾乖!!
-回家要練琴了'今日計計埋埋都練左5個鐘了!算好喇'比平時多練了好多'我要比心機喇!

夏令第3日:
同MIMI去瑪嘉烈買早餐,例牌:中東包(吞拿魚+碎蛋),雖然係好好味,但係哥到D服務態度差勁!之前屋企附近都有間架,服務態度好,可惜佢執左喇!唉..
-MISS LEE上堂我當佢發UP風'完全聽唔入腦!時間又係最長既一堂(心理作用吧!)
-葉敏儀教咁耐終於教完一課書喇'速度真係快!
-蕉哥又問我問題喇,"林同學,可愛既林同學!"聽完我打哂冷震!數學堂係我上得最有心機既堂,但係時間過得好快!!其實蕉哥不錯既!好似幾挽得既老師!
番屋企之後練左陣琴,(7月8日考,我仲未店炸!)爸爸之後車左我去考琴既地方租琴練,得番今日既2:30有1個鐘既空位,算喇,好過冇!依家真係咩都加,零用$又唔見佢加WOR!以前1個鐘100大元,依家200蚊!番去補習之後,就叫表姐陪我去樂韻琴行練琴喇'部琴真係好唔店,5音不全(誇張了..)
回家途中去左怡文軒買左芝士波波+班CAKE!GOOD!又買左筒品客薯片回家..結果...
                                            .
                                 .
                                 .
                                 .
                  一晚清理了一筒品客薯片!

夏令第2日:
-同MIMI行番學校,點解唔落狗屎就曬到咁樣架!?
-MISS LEE上堂真係悶到我癲!成堂得兩句野講中文!
-葉敏儀哥堂我訓哂教,佢見到叫醒左我!檢討下喇'教書一點趣味都冇!效法下黎爸爸喇,鼻屎劉俾你仲好,佢起碼有D好笑既野做被我地睇--飛釘,滿足我地既視覺!展雅你要珍惜牙!
-上蕉哥堂狂同人妖傾偈,被佢見到TIM,佢唔叫人妖名,(可能佢有老婆有仔/女,就算對人妖有興趣,都唔可以表現出黎,佢驚老婆傷心!KAKA<--我作下架炸!)但係佢叫我個名羅!佢問我數,佢真係好好笑!教恆等式,方程式,將我個名代X,話"林詠彤=林詠彤,LEE個係恆等式!"又話"林詠彤都唔會=0,呢個係方程式!我相信林詠彤絕對唔會係等於0,我相信佢係叻女黎既!係咪!?"我都唔知點答好,落堂仲話"林詠彤你明白可,我好關心你架!!"  我梗明喇,傾偈都可以明既!但係蕉哥真係好搞笑!多謝你咁睇得起我BOR!我雖然都知我叻女!WAKAKA....各位唔好打我!
-番屋企前要去銀行入$交會計考試費,之後去左怡文軒買左件蛋糕食',回家之後E媽炒飯+尋晚食剩既送作午餐,超豐富!!食左碗南瓜糖水就訓左教LA'TOM又要黎補習,我冇咩點理佢,顧住訓教!真舒服喔!!今日好早就食左晚飯喇'之後同表姐出去南洋買小食,買左件蛋糕,GOOD!貴左好多牙!去左超市買哥隻好好味既薯條!-卡樂B宅卡B薯條(JAGABEE).超正的!好有薯仔味!好味過M記>3<極力推介有隻叫"森永紅豆牛奶糖"超濃郁既紅豆味!!我點收肚腩!?晚晚咁夜食消夜,食雪條+雪糕+大半筒品客薯片!好好味.