今日係ROSA C之註冊日,約左IENG,MIMI,表姐一齊番學,我同IENG條褲撞岩哂色(粉紅,超級突出),100% MATCH!我地真係靈相通!我地塔巴士既途中,MIMI話章魚會由初中升上黎教高中班主任,我就超級放心講左一句"佢教理組JE,我係文組!肯定冇可能係佢喇"......
約左人妖係公共等,之後我地成班人係到進行功課交易..
註冊了,我充滿好奇想知我今年班主任係邊位,睇到自己個名既時候,展雅,維同我一班,好開心!但係我聽到一樣令我心驚,想喊既事.就係章魚做我班班主任!我知道之後真係超唔想入去註冊,唔想見到佢牙,我對左佢1年已經好想死喇,佢係我心目中根本就唔似係班主任!點解我會咁苦命架!今日係我第1日羨慕人妖',今年仲會有運動會架,我唔想同章魚係呢個高一有咁多活動牙'我好開心上到高中,但係俾我知道呢個消息,我真係成個人DOWN哂'!到時我成績唔好都係章魚既問題..
見家長哥陣我都唔知點算,話哂佢以前都俾我媽咪教訓了她好幾次吧'!因為章魚係一條好記仇既惡魚!我媽咪話我唔好為左一個人而令到自己唔開心,冇哂心機!好,我聽媽咪講,今年我一定唔會比佢捉到我痛腳,我要威比佢睇!
我地去左M記食早餐,哇!每次都會有咁既情況出現,就係成個M記都係ROSA妹!
之後陪人妖買夾髮機,好心佢喇,剪剪佢啲頭髮吧!真係好亂,一點美感也沒有了'中山開完工番黎太趕搞成咁嗎!?哈哈!!^3^'行番屋企,佢地黎左我到小休一下,俾番本YES人妖!佢見到之後窒哂'木咀俾我地搞成咁,真不好意思呢!!呢啲係MIMI同我哥哥的偉大傑作!
我做哂小字了,好開心!但係仲有作文未做TIM,唉,BILLY真麻煩,我真係唔知打啲咩俾佢好!
上網上到好晏,食飽飯就睇電視,9月1日之後就冇呢啲日子過喇!要珍惜'
睇完家好月圓,爸爸車我去"噴水池牛雜"買左成40蚊野食番屋企開餐,其中有30幾蚊係牛肚膀肺!真係好滋味呢!比香港啲街頭小食便宜同好味好多!加多個杯麵撈埋啲牛腩汁到食,極品!加多枝紅豆主義雪條,就超級滿足了!晚上執房執到凌晨4點幾,先至訓教!好乾淨好舒服呢!

前幾日部機HAND左,唔知係咪中毒!?成5日都冇打BLOG了'
8月27日係奧運閉幕,中國總左攞左51面金牌,計埋銀,銅岩岩好係100面獎牌!四年內,運動健兒肯定係好努力喇,上屆雅典奧運中國只係攞左30多面金牌,今年真的是突飛猛進喔,亦因為今次既北京奧運,令到中國成了世界強國,它真係我地既驕傲喔!又因為咁樣,我媽咪叫我去北京讀大學,我都唔知自己想唔想,或者我再考慮下喇!台灣其實都唔錯吧'我想見楊威,小綜,大東.....
做完哂奧運比賽節目,就冇得幫中國打氣,依家既電視節目真係有點悶,我真係唔太捨得奧運呢!!
-暑假前我計劃左唔比自己有得閒既時間挽,要好好充實自己,所以報左好多課程,結果,我日日咁走堂,呢排都番到會計,連續上3粒鐘,係人都會悶喇!心諗想快啲番學,好想同好多朋友一齊挽!現在留在家中真的發毛....
後日就番學註冊喇,心情有點興奮,有點傷心!因為可以有一大班朋友挽,但係日日都要聽啲老師講書,咁同我學會計既日子有咩唔同!?唉,我們高中還要番下午,學校簡直係廢柴,裝修裝咁耐,下學期先至番全日,我第1次覺得做高中學生咁慘炸,我地5日後就會係惡夢既開始了..
好喇,講番今日,比媽咪8點叫左我起伸,佢以為我會番會計!我食左早餐就訓左沙發到睇電視,交易現場,唔岩我!等左好耐先有多啦A夢大電影睇,但係我睇過,所以悶到訓著左,個頭好重呢!3點幾先食中午,之後去左學琴,回來時買了個菠蘿包+乾酥餅做下午茶,哈哈!!正...
好喇,開始繼續寫我既食譜了...

我唔知係咪有預知能力架呢!?雖然係三號風球但依然要上會計,但係我就決定唔番!(後來朋友說給我聽話上不了很久便下堂了,驚佢地比台風吹走WOR,好彩我冇番呢!)我要同台風挽遊戲!
我去左怡文軒買了一個豆沙銅鑼燒一邊食一邊去來來又研究啲食物既營養表,我就黎可以做營養師架喇!!買左盒吉百利朱古力粉回家,之後行到11:00去M記買左盒熱辣辣既脆香雞!
回家後,接到個電話,爸爸話媽咪放緊工番屋企,全因為你--8號風球!
我自己沖左杯朱古力奶飲,我整得超似M記哥啲牙!好好味呢!!
香港已經轉左為9號風球了,真厲害!我係屋企睇電視既時候,頻頻聽到街上有爆玻璃聲,有條木係空中飛翔,有"B BLUE"聲,有筷子在街上飛舞;有行人拿住骨折了的雨傘;也有驚豔既場面,有條紅底橫係條街俾啲車錢踏,我想應該係某個單位俾"鸚鵡"咬下來的!
在此一提:台風千萬不要到街上玩耍,免得被底橫蓋滿臉,條條底橫濕漉漉的,感覺真嘔心!

8月18日-8月21日:
-我太愛奧運了,因為睇到冇哂時間打BLOG!好喇,今日要開始打番了....
-我中意楊威,楊威楊威-全能體操王子,太可愛了他,太勁爆!楊雲真幸福>3<'
-中國攞左46面金牌了,實在比上屆強了很多!但是我最期待的中國女排在昨晚輸了給巴西,現在只可和古巴爭銅牌,唉!劉翔仲可憐,韌帶傷了,他仍繼續跑,結果忍痛跑了數步他便退出,更可悲的是他被無知的人說他臨戰縮沙,泥啲人都唔知立咩心腸!?(荷媽名言)
晚上打風,點解今次打風同對上一次既風神黎得咁密既~?唔通....世界.....末日!OMG!(講下笑.)
LEE個鸚鵡搞到我地冇得游水,幾時先飛走牙你!?

           
   
       愛運動,即使它會傷你的心

好早起伸著好哂衫睇黃金B段班(台灣節目),聽人講鬼故,親身經歷既事!我睇到唔捨得走了,之後俾媽咪威迫之下即刻著鞋飛的去碼頭,填哂啲野之後等EE和他的男朋友仔,我媽媽真的有點廢,EE約了他8:30,佢就8:00到,搞到我地等了很久!見到他們到了就上船了,今日船上既節目同我地去畢業旅行-迪士尼一樣,都係做世界紀錄哥啲節目,睇到落船!
落船後我地同EE一齊行,他的男朋友仔和他的弟弟,和我哥哥分開行,話哂性別唔同,睇既野都不一樣!
第一站:去到香港哥個SOGO,真係有點似88伴,好窄,啲冷氣又好凍!我買左條紫色頸根,哥到啲野實在太貴了,又不合我地年齡層!之後大E媽打俾媽咪話JOIN埋我地,我想:"不是吧!"
第二站:時代廣場,我地約左大E媽係哥到等,足足等左佢半粒鐘,電話又唔開!我地成個傻婆咁等佢,比佢搞到冇哂時間行,之後EE帶我地去板長食壽司,嗌左好多野食都係300幾炸,都好抵BOR!好正TIM!
第三站:旺角朗豪坊,陪表姐買野,我仲去左果子天地買左超多糖果,多謝媽咪!之後去左無印狂掃野食!之後去左旺角買鞋,衫,褲!
第四站:我地去到6點幾,大E媽真係大頭蝦,番左啲過關既野係佢老公到,佢老公比佢早一日番澳門!佢要去警局搞埋啲手續先塔得船,我地因為夠時間塔船,所以就走先!買左好多魚蛋,燒賣,牛雜,燒章魚丸,臭豆腐....買左成100蚊!(好貴),好好味,我地拎哂上船到食!隔離位個大嬸望住哂!
塔車回家,塔錯車,兜左個大圈!真係昂居...回到家已經係10點了,沖完過靚涼就訓教了!
去香港只要有把口!阿E講既...  我今日已經見識到