去左怡文軒買早餐,見到淫淫,佢好似想同我一齊番學咁樣羅'驚驚地!搞到我兜路行'約左MIMI,表姐一齊番學校'大家都黑哂!見到琪琪同埋佢姑姐望住我地笑'震哂!琪琪唔係走牙竟然,睇佢都係搵唔到學校架喇!我會默默為今年初三同學仔祈禱架!
學校再度人頭擁擁'全校既人都番黎上夏令,同MIMI文理相隔了'我地夏令班主任係MISS LEE,唔濟牙!佢講冷笑話冇人笑'點解D同學仔會咁中意佢架!?(經過畢業彩排對佢完全改哂觀!)我地一日只係上3堂--英中數,葉敏儀教國文,今個月會被佢悶死,我訓哂教!上兩堂就落小息,MIMI就好喇,麥生做佢夏令班主任,其他科既老師又好好WOR!我地係趙瑞林教數學,(咁牙...<--重鼻音!係佢既口頭禪,我同人妖狂暗笑!)教番我地初3畢業考既卷,都考左喇'仲教有咩用!?因為我同"口永"欣話黑版哥條我識,佢見到就叫我起伸答!嚇死我咩!?10:50放學,好早牙!早到有點害怕!放學哥時"你"問LONG我地幾時BBQ,LONG你對我真係好'叫我答佢!好彩我演技好JE'!無論神情,對話我都冇令佢懷疑'(希望冇人講出去喇!)MIMI要12:10先放學牙,好慘牙,我地既見面時間少到咁羅,所以我同MIMI講定,早上和她一起回校..我地8月要舉行多啲聚會牙'只要係初二丁既,我地一定會到!仲有初3乙8人聚會(我為c敏而寫的)
媽咪夜晚同我去中華廣場報讀會計課程,上一個月既速成班,貴好多牙!媽咪想我打好基礎,所以學左冇壞的!高一都要學,當俾定心理準備自己!
今日我既食量簡直驚人,正餐食得多以外,食左3大碗南瓜糖水!甜筒好好味道牙..

今日約左MIMI,嘉麗,維去聚龍軒巴士站等'多謝哂維幫我地拎野減輕我地既負擔!展雅,人妖,許C婷係總站塔我地就上車會合佢地喇'真係好迫!有位伯伯同人妖講"伯伯唔你抽你水既,"人妖麻,邊有人抽水架!去到黑沙,搵番上次哥個陰涼位,但係超多蜜蜂,被迫咁轉位,搵左係樹底下面既位'有堂螂(俾人妖不幸踩左佢一腳,我救番佢條命!),又有蟲蟲!呢地方黎架!?驚心動魄!我地又轉位另一個位(但都係好多蜜蜂,成日係我地耳邊徘徊';嘉麗俾佢煩到癲左',又曬BOR,曬到紅哂,傷哂!)
我地按原定計劃收埋人妖隻鞋,MIMI仲將佢另一隻鞋掉落水,人妖濕身!
又用水槍狂射佢,LONG仲成日推佢落海TIM'場面極為爆笑!人妖再度濕身!(黎左無幾耐,成身濕哂')
燒緊野食既時候,我收左媽咪既電話.......我只躲在樹後哭,不想讓同學們看見我柔弱的樣子'不好意思,MIMI,展雅等同學們,我不能說給你們聽我為什麼哭,因為我唔想你地擔心!我驚你地挽得唔開心'
今日係初二丁BBQ,好多人黎!我應該係挽得好開心架,相反,我就...,點解俾我開心多一陣都唔得!?可能冇心情挽,所以食多過挽'我不想行,不想挽!   今日我笑,好牽強,對不起!都只係唔想你地擔心我'
請原諒我今天的心情,我又驚因為我既唔開心而融合唔到你地'所以我6:00同表姐就走了'我真係好唔捨得!塔車既時候,我不禁想起又偷偷哭起來了,諗左好多野'回家的路我不敢走,唔知點面對.我很少理會嘉麗,令她無聊了!對不起,嘉麗,要你陪我!多謝你相信我!
回家後,嘉麗和我一起用冰敷手,點解?-->http://hk.knowledge.yahoo.com/question/?qid=7006080104094
過了不久,媽咪回家了.(過程略了...).....仲算輕鬆了小小,但心情仍沈重!
EE,嘉麗,多謝你地相信我! ;MIMI,展雅,多謝你地關心我; 人妖,多謝你今日俾左好多歡笑我!!

MIMI以為7:30番到學校,好早就黎左我屋企!幸好我早起伸,唔係你就要係條街流浪喇!
今日番學校搞下令既野,收完錢錢就走得'但係聽BILLY講報告簡直似催眠曲,好囉嗦牙佢!
放學之後,經過我同MIMI一問之下,多左好多人BBQ牙'好開心呢'!今次肯定好熱鬧喇'
我同MIMI心郁郁,口痕痕就去左瑪嘉烈買包包,我要左個中東包(有吞拿魚+碎蛋)超大個!超足料!一邊行一邊食,發覺好多人眼超超!食完真係飽到上心口,可能因為食左早餐冇耐又咁大個包喇'但係真係超正的!!MIMI去宏達買左代數書我地就去買D好重要既野--水槍,(為左人妖)時間太早,好少玩具店開門'之後見到一間不顯眼既鋪頭仔搵到喇.聽日好挽喇!!  呢兩日同MIMI行左好多路,腳痺哂了!
我今日好乖咁做左一版既中文暑期作業!之後無無聊聊咁寫BBQ杯同碗既名字!(我同MIMI哥個好好笑!)

晨咁早叫醒左我媽咪幫我紮邊'!7:00已經番到學校了'同MIMI,展雅佢地嗲左陣,MIMI就到後台化妝!李曉彤紮邊真係好勁牙'可惜可惜牙'!之後幫詠雯同學紮邊,佢條邊真係咁樣都走得出街'嚇窒哂!上左小學D課室扣花'真係好懷念係小學既日子牙!扣花時間用左半粒鐘,學校資源就係咁缺乏,用扣針既錢都冇...
之後就畢業禮喇,過程極之無聊,算吧!!話哂我地只算係陪襯,我地未夠班!
上台羅畢業證書既時候,真係好點緊張,但只係見到相機既閃光燈'沒有理會周圍既家長,也算是平靜了!唱畢業歌和音既我地極之細聲,留番俾高3姐姐唱算吧!
尾聲,我幫MIMI羅埋袋等佢放,佢媽咪對我媽咪說了一句話令到我緊張,驚嚇,突然,"我好中意你個女架,我同佢影張相",我同MIMI有小小窒左,多謝MIMI媽對我咁好牙!
下晏約左LONG(做姑LEI),MIMI一齊去買BBQ野食,LONG遲到,又著到成個潮童咁出黎,(隻眼仲要成一直線,梗係好眼訓既潮童)!去左買丸哥D野'比LONG羅番屋企'我同MIMI就再出發尋覓麟記買BBQ既野'因為我地唔知係邊,就遲左落車'環觀周圍冇LEE間野,就打去問佢既正確位置'行牙行,搵到佢喇'訂完野食之後就走了'太開心了,這次BBQ既渣FIT人係我和MIMI,真係做得好成功!只希望哥日會好天喇'  同MIMI行去聚龍軒諗住買炒冰,但係佢冇開,真係可憐!想周街行下佢又同我落得超大雨'我地就去茶餐廳飲下午茶喇'哥杯朱古力超正牙'GOOD!!
見到奇鏡--低胸春裝貌似情婦,疑似被甩底!等緊一個神秘人,但係佢唔出現!無論動作,樣貌都9成9似係勾人地老公既情婦!(這也是我地虛構出來的!)我們離開時都要偷偷看看她,果然變態!
停左陣又落過'!我地係咁搵窿窿拿拿避雨,幸好,濕得點點JE!我地兩個分開回家之後,我去到一個聚集哂D雙失麻甩佬捉棋既地方突然落超大的雨'我在這個充滿乞丐味的亭下避雨'企咁耐臭咁耐'!!
夜晚睇睇下電視睡了覺'真係很累了'今天很早起床,中午又行了很多路'!等爸爸回來食消夜--甜筒!YUMMY呢!!

MIMI今朝黎我屋企紮邊,但係我經過左幾分鐘既奮鬥之後,都係要拜託我媽咪幫佢紮既'我真失敗呢!
番學羅成績表'真係不太見得人,很差很差!!全年名次:12名,學段名次低了一倍'最好分哥科係音樂--88分!其他既成績我諗就唔哂多講'唉!!算吧,我已經唔會對畢業考祈求咁多,升到就可以喇!
之後要留低做畢業總彩排'差不多12:30才放學'初三真可憐,上台1分鐘也沒有就下台,唱畢業歌又要側埋一邊,我地似做和音,根本就係陪襯,哀哉!!
-見到章魚個新LOOK,真係煥然一新,雖然冇咁似章魚,可惜,比之前更加核突!驚嚇TIM牙'
-希望7月1日不要下雨,初二丁要一齊祈禱牙!!
-法證2大結局,IVAN都唔知有冇失憶既!?我要汀汀,我唔要陳敏之同SAM一齊喔!(上哂癮羅我!)  有法證3既話,你話幾好呢..
-媽咪係M記買左雪糕俾我做消夜TIM'GOOD TASTE!!