今日星期四 8點37分打卡 公司8點42分 返工都係咁 冇咩特別 12點c有野叫我去銀行 所以去完銀行買定野食返黎~ 6點放工過老公公司 都係啦 我坐係到唔知做咩好 老公就不停打機><" 中間阿WING入左黎 個下好開心 以為可以一齊出去 點知原來WING只係俾野阿志 跟住返屋企食-.-" 坐左1個鐘 本來係因為等客黎交租 點知等左一個鐘佢先話唔黎!!!但仲未走得~ 老公冇啦啦又話要等阿耀黎拎相機!!!屌~~~等.........等左半個鐘 問老公佢係邊!! 老公夠擔死掛住打機 答我(唔知係 你打俾佢問下?)火都黎 死都唔打 發脾氣!!! 過左一陣阿耀黎到 仲要吹冷氣 仲要吹水!!!!我足足等左2個鐘 但因為老公話同我去Kuromi餐廳 所以我忍......收起D火!!! 8點先走得 搭36b巴士去朗豪坊 間野係10樓 慢慢行行行行行上去!!! 見到啦點知寫住"滿額" 心入面爆屌左一句 屌你老母!!!山長水遠黎到冇得食 好嬲 連相都唔想影!!!但老公安慰我 話如果唔影 下次冇左又後悔嫁啦? 好啦 影!!影左幾張 都開心既~~我問老公下次仲會唔會黎?好彩老公話(黎.....一定要黎 搵日一早黎排隊拎飛!!) 個時老公個緊張樣真係好好笑^^"之後周圍行下啦 因為呢個商場有個買滿800蚊加30蚊有隻Kuromi既碟~ 點知行黎行去都搵唔到岩既野買 老公又話800蚊一隻碟好唔低 咁算啦 老公買左杯starbucks氹我~之後就落左去搵阿麟 因為阿麟要拎key去土瓜灣拎單車!!! 搵完阿麟去食KFC 因為老公話唔好食咁貴 留返D錢下次去食Kuromi餐廳!!! 好好笑 因為之前我同老公都做過KFC 好知道入面既野係點~我地想拎蜜糖! 點知D員工好似唔識咁 搵左三個人黎都唔知點俾我地!!!最後我地教佢點做!!真係笑到暈!!! 食完野跟住上彩雲 因為要拎返條KEY 真係煩!!吹吹下水 阿妮冇啦啦話原本搬入去大嶼山 但屋企人唔想!! 跟住老公好搞笑咁 不停話佢 仲咩唔搬呀?走啦......搬遠D啦 成日係到吹住要返去!!!但阿妮太厚面皮既關係 扮聽唔到-.-" 1點幾 我同老公搭的士返去 老公做好人 幫阿麟車部單車返深水埗"因為阿麟聽日要拎去深水埗整" 返到屋企整下野 仲唔知點解搞下搞下都成2點幾先訓!!!
點知寫住"滿額" 心入面爆屌左一句 屌你老母!!!山長水遠黎到冇得食
