今日星期一 8點43分打卡 公司8點47分 今日返工唔知點解無無聊聊開老公FB睇先知原來係我放病假個日老公"主動"搵阿妮傾計!!! 睇到真係勁勁勁勁勁嬲!!!!第一 老公走去搵佢傾計 點解我唔知? 第二 條8婆夠擔死明知我唔係到 主動走去約"我老公"單獨出去食飯!!!! 條友係咪傻撚左呀?有本事你去搞到我老公同你上床啦 唔好做咁多小動作!! 嬲嬲地走去問老公!!! 我:原來係我請病假個日 你"主動"搵"阿妮"傾左咁多計!! 仲要佢約你"單獨"食飯我都唔知!!! 老公:我無去 我:重點係 "我完全唔知!!!" 老公:好小事 Easy 重點應該係我唔去! 我:你唔去我當然好開心!! 但你主動去搵佢傾計><" 仲要係"私下!!! 老公:我問佢今次賣乜 私下係費事好似上次咁倒佢米姐 點知佢講好多!!! 唔知點解我好似冇左火咁 唔想同佢嘈!!!完全唔覺心痛!!所以最後冇嘈~ 之後一齊食飯 唉....中間D野唔講啦 又係嬲既!!!! 行去食野個到 就到個時見到老公係馬路等我 陪我一齊行過去!!都算開心既!! 放工之後原本去做GYM 但一黎老公叫左小愛出黎 二黎老公唔想做GYM 所以我話去整頭髮 估唔到俾佢剪短左咁多^^" 剪剪下 老闆娘冇啦啦問我地(有冇人覺得你地好sweet?而家好小情侶咁樣) 個下我笑左 可能老闆娘未見過我地平時姐^^"之後搭車去食車仔麵~ 但夜晚阿志又叫左小愛黎屋企 我自己一個係房無無聊聊睇下電話 同WING傾下計 訓!! 但唔知幾點個時醒一醒見到老公仲未訓 問老公做咩仲未訓?老公答(陪你丫嗎 睇住你訓)
