今日星期日唔洗返工 可能琴日早訓 10點半就起左身~ 去完廁所返黎訓係到玩電話 但玩玩下 老公攬住我唔俾我玩 所以又訓多一陣~ 1點幾同老公一齊起身 2點幾我走了 搭2F搵爸媽飲茶 之後上婆婆屋企!! 今日大姨放假 所以叫大姨包餃食~當然我同媽咪都有幫手啦~ 一路包一路傾下計 婆婆又問我幾時結婚 又問我做咩阿志唔上去?我都唔知點答好-.-" 跟住又傾到大姨去日本 我叫大姨買Kuromi俾我^^"希望到時大姨搵到啦 之後食野個時 我用Tango搵二家姐 叫佢視訊傾下計同婆婆大姨say hi~ 但阿廣變左長頭髮 第一眼見到我爆笑了 sorry~跟住阿廣同婆婆Say hi~ 傾左一陣就收線啦 當然收線個時 二家姐又想減跟住就食野啦~ 9點幾食完 因為食唔曬 大姨俾我拎俾阿志食 多謝大姨 10點走人了 返到去開門老公食緊煙 俾我嚇親但我拎返盒野俾老公食 佢又開心返啦^^" 同老公出去煮個時 我同老公講婆婆問你幾時去見佢呀? 老公:見.....一定要見....搵日啦~ 我:星期四去見好唔好? 老公:咁快?新年先啦? 我:你話嫁?今年新年去見嫁啦? 老公:好...叫阿廣一齊去~ 我:佢唔去你都要去呀 因為阿廣見左嫁啦!!! 老公:。。。。 我:新年去見好多人嫁啵 你唔怕咩? 老公:唔緊要 但去做咩嫁? 我:去見 拜年 食飯 走 老公:。。。。。。 所以其實到最後都冇話去定唔去-.-"但我真係真係真係好希望可以俾婆婆見到我地結婚!!! 但唔知老公幾時先會想結婚呢?唉................算啦 訓教!!!!
跟住就食野啦~
