今日星期二 8點38分打卡 公司8點42分
嘩 原來我有成一個星期冇打野了^^""對唔住 因為月頭比較忙!!
今日真係勁忙 因為我要去深水埗3間舖搵三個老細簽名!!
咁我上半日就係公司做野 我叫左老公唔好返工住 晏就陪我去行
到左放飯 諗住你公司訓一陣 等陣去做野唔會眼訓
點知我去買野食個時 老公打黎話我唔同佢食 仲問我叫佢留係屋企做咩-.-"?
我問返佢 你係屋企同係公司有咩分別?咪又係冇野做
等我一陣 跟住陪我行下 有咩問題?但佢仲要死頂話我!!!
算啦 叫左佢返工 唔洗佢陪 反正到時叫佢行到出汗又係到嘈!!!
咁我食完就訓左一陣 2點15分出發 先行左去康健搵鄭化簽名先
之後去Bast Hill搵Tony簽 但因為唔知間野係邊 所以搵左幾耐!!!!
完成之後去左富華搵劉化 點知佢行開左 我就去左中電先
去完中電就返去 點知係門口劉化就大叫 同其他員工講
(呢個就係BOBO姐啦 記住呀!!叫人啦!!!)員工們(BOBO姐)
我都唔知咩反應好 只係識傻笑 諗返起都覺得自己好冇用!!!!
咁簽完就快走啦 員工們(BOBO姐 拜拜) 我唔識俾反應 只好拜拜拜拜"走"
咁就返去公司啦 同c佢地講 笑死佢啦^^"個時4點半 所以好快就收工啦
我原本好嬲老公 同老公講返屋企 點知佢出引誘 我只好低頭!!!
老公話煲湯!!!仲要買緊野了~咁我就只好去返佢到啦
夜晚飲完湯 佢又突然要整間房 執黎執黎 又係到嘈話唔鐘意間房咁樣!!!
唉 其實我最憎就係咁 冇啦啦搞咁多野做咩呢?又唔係成世住呢到!!!
最後嘈交 但好快又冇事 唔記得幾點訓教啦!!!
今日星期三 8點42分打卡 公司8點47分
因為公司有7間舖 琴日去左深水埗3間 所以今日要去4間 但有一間唔洗去 所以最後係3間
上半日係公司做野 加搵點去 因為一間係大圍 兩間係灣仔!!
2點半出發去大圍先 因為成日去個邊踩單車 所以都算係識識地
去到先搵7仔 因為我唔見左之前張2月份既糧單 但申請野又要用
咁我就要搵呢個老細幫我印返張 點知佢要我買雪條俾佢食-.-"
所以要去左7仔買俾佢先 去到佢唔係到 同事叫佢落黎
點知等等等 佢之前見過我嫁啦 但唔知佢真係唔認得我定想考下我會唔會主動~
不停幫手收錢 整呢樣整個樣!!!(跟本唔洗佢做) 等陣冇咩人既時間我出聲了
佢好似唔識我咁(哦....BOBO?等等)等左一陣佢就叫我上去 上去之前我俾左雪條佢
跟住佢又扮野(嘩 請我食嫁?多謝啵)對住其他人(你睇下 BOBO幾有心丫)
點知原來呢到仲有第二個老細-.-"我勁驚佢會呷醋!!!但都冇計-.-"
跟住上去整完所有野就走佬啦 又搭地鐵 又熱又多人 真係好辛苦!!
但我又在一次搭過龍!!去到灣仔時 好彩老公幫我搵定路 去到搵輝哥簽名
跟住問輝哥第二間係邊 之後在去第二間 搵阿成簽 好快走得!!!
之後又去搭地鐵返去了 返去個時同老公傾左一陣電話
我話ms佢地聽日唔黎 但老公話不如轉地方食 等佢地收工去食!!
其實我真係勁想發脾氣!!!而家邊個生日呀?我早2個月就約左你 你唔去安排時間
仲要我地去就係 咁我打左五十幾次電話去book個個位黎做咩!?
真係勁嬲 但我冇講出口 我只係答(哦.......你鐘意啦你生日!!但諗好第一次時間同我講呀 我book嫁咋!!)
跟住傾多一陣就收線啦 去到長沙灣 頂.....出錯出口!!!又要行 熱死人啦><"
因為個時5點 仲有小小時間 所以我左上去拎淘寶野
返到公司5點半 食隻蕉就放工啦 係放工之前 阿WING約我地食飯
其實我原本就唔太想做GYM 但我怕老公唔俾 所以叫WING問佢
點知老公都話唔做 去食飯啦 所以我就叫左阿WING係老公公司等
但因為係突發事 所以我地BOOK位食野要等時間
咁我地3個就係老公公司玩鬥地主 玩到8點半頂唔順 太悶了
所以就出發 去左食番本放題 但可能太累搞到頭勁痛 冇咩心機 但走前都玩左陣飲酒><""
食完就返屋企休息了 真的累死了
今日星期四 8點51分打卡 公司8點55分
因為今晚去食酒店自助餐 所以要換好衫 執野 搞到遲左小小返工~
今日返工冇咩特別事 唔出去食Lunch 係公司化妝 睇野
放工原本我怕老公唔記得出門口 叫左阿WING幫我去叫佢
對唔住 我唔知原來老公咁醒 一早行左過黎我公司對面
仲有小愛係到 跟住就去地鐵站等阿WING 跟住就出發了
我叫左阿烽同阿妮係旺角站等 所以經過旺角佢地就上車啦
今次食呢間係灣仔 好彩一早俾左地址阿WING睇路
去到開始食 老公,小愛,阿烽飲酒 岩岩開始冇耐佢地就飲到面都紅
因為我仲要送禮物俾老公 所以叫阿WING拎即影即有出黎影相先
跟住我就拎禮物送老公了 開頭拎出黎 老公係咁問咩黎嫁?(唔太好語氣)
我以為佢好奇 送到老公手上時 老公突然語氣勁衰地不停問
(咩黎嫁?用黎放熱野嫁?有咩用呀?你叫我放係邊呀?你要諗呀呢樣野!!?你知我房冇位嫁啦?)
對唔住 我真的忍唔到了 係阿WING話(你唔好咁啦 BOBO整左好耐嫁)呢句說話時 我就
老公個下立刻嚇親 係到氹我 但冇用了 我D眼淚想收都收唔到了!!!
過左一陣先停到D眼淚 因為係老公既生日飯 我唔想搞到面阻阻
所以我笑 不停搵野講 不停令自己笑!!!多謝WING整左個笑哈哈俾我~
之後當然扮冇事啦 同老公講(其實仲有條手繩送俾你 你唔鐘意就唔好要啦)
但老公既反應都係勁衰 (唉...冇得玩了)佢想學整呢條手繩
算啦算啦 在忍........之後影相 食野 玩 9點半走人 行去銅鑼灣 中途WING走了
我地想行個幾間都關左門 咁就搭車返去 當然我仲係好嬲 但我唔知可以點發洩
最後都係收起D火了 訓教忘記過去!!!
最愛2人!!!
今日星期五 8點34分打卡 公司8點39分
因為星期五 又係做GYM日 但因為所有人都唔去做
我隻腳又痛 所以都決定唔去做 叫左阿WING一齊出去食野
食紅蔥頭 食野個時老公又同阿WING嘈-.-"
9點幾就走啦 9點半返到屋企睇明珠台 " 馴龍記"
但睇到最緊張個時志媽返左黎-.-"只好入房了~
睇多一陣野就訓教
今日星期六 8點43分打卡 公司8點47分
今日約左樂樂,柛,遙翼,小愛,浩文黎土瓜灣慶祝老公正日生日
咁我放工就去搵老公先 去到見到小愛係門口等緊 老公岩岩返到
志媽係公司入面 所以同小愛係出面傾計等老公
過左一陣老公就出黎啦 咁小愛就去接遙翼 原來叫佢地黎食野
但因為太熱 其他人又未到 所以4個去左搭41號巴士過土瓜灣
搭左成個鐘-.-"去到上惠康買野飲先 突然佢地話買杯麵上去食算-.-"
咁買完所有野就係樓下等樂樂同阿柛 跟住就一齊行去屋啦
佢地係到睇野 過一陣老公就教左浩文黎到 過一陣阿烽突然打黎話過緊黎
我仲估佢唔會黎 過多一陣就到左啦 佢地係到睇野 我好悶又眼訓~
所以入左房諗住訓教 但掛住睇老公電話 睇到阿WING打黎
估唔到連阿WING都黎呀^^"超開心 咁我就同WING傾電話傾到佢到啦
我同老公講落去接WING加去買野 老公係到笑 問我買咩?
跟住我話你想要咩?老公話(我銀包有張美心餅卡)
哈哈 我都笑了 跟住落去搵WING啦 但因為美心要行好遠
所以冇去到 只係搵到間細細地既餅屋 一路傾計一路返去 好開心^^"
上到去阿WING嚇老公^^"估唔到老公真係俾佢嚇一嚇^^"我笑了~
跟住就叫外賣 開始玩青春豆 好多人玩 好開心呀!!
玩到一半野食就到了 老公拎上黎 因為有野食 所以收枱~老公(下...收左啦?我就黎贏啦-.-")
冇人理佢 哈哈~跟住食野啦 跟住在開始玩 今次遙翼贏左 好勁呀!!!
之後玩玩下阿WING去拎野飲 原來佢睇到時間11點半 所以拎左蛋糕出黎^^"
我都唔記得 真係好對唔住~好彩買得唔大 大家都好合作地食完!!!
可能因為太悶 樂樂,小愛,阿烽轉左打機 我地就轉玩三國殺 好耐冇玩啦~好開心
玩左3次 我贏左2次 哈哈~好叻呀!!!但太夜了 WING眼訓 要返屋企了><"
因為又小左個人既關係 所以轉左打牌 我,老公,小愛,阿柛~
唔係老公係咪因為太眼訓 亂打 搞到小愛係咁食 阿柛又食
全部都係老公輸-.-"但之後老公都好勁 食返幾次 我又自摸左一次8番
所以最後老公輸$13 我就贏左$11 佢地2個就唔知了~
跟住想睇波 點知上網太慢 睇唔到 個時都4點幾了~坐係到好眼訓~
所以佢地一齊玩返青春豆 真係一玩就唔眼訓啦^^"玩左2次 第一次老公贏 第二次我贏
哈哈 勁開心 7點幾收野走人了~原本我想返屋企 但老公話想我陪佢 真係好耐都未聽過
好有以前拍拖既感覺^^"其實我唔想 但老公講到咁 只好去佢到啦~
今日星期日 唔洗返工
今朝8點先返到黎 沖一沖身就上床訓了~但一路志媽都不停拍門
因為老公今日要去搬野 俾佢嘈到2點 老公就起身出去搬野
但老公唔經公司 想我幫佢返公司喂啤 所以我起身換衫過去喂一喂
頂 鬼死咁多飯 早知唔返黎啦!!!!曬到PK!!!~
跟住搭車返深水埗 去左買野食 返到上去沖涼~
跟住食野 睇康熙 睇到6點老公返黎啦~
搞下搞下7點諗住訓一陣 但唔知做咩傾下計就8點
但8點半我地又要起身 但太眼訓了 訓到9點佢地打黎先起身~
9點10分去到西九龍商場搵佢地 今日有Pakco,二寶,阿歡,小妖同老公慶祝
二寶同Pakco送禮物俾老公 阿歡同小妖就俾左封利是老公`
今日去試之前係明將 而家轉左係韓燒~都ok既 但可能唔夠訓 食得唔多~
有傾有講都幾開心 11點半食完送佢地去搭車~二寶唔知幾時踩到狗屎-.-"
整左一段時間佢地有車就走了 我同老公返屋企~
老公話我以後唔好同人講佢鐘意三眼仔 要話佢鐘意洛克人z~
我有小小嬲 我話(你可以好似我咁搞好我既生日先講啦!!!次次我生日都要我叫你約人你先走去問一問 最後問你邊個去你又唔知!!)
跟住老公話今年生日在帶我一次去露營!!!有希望!!!好怕個失望 聽完就算!!!
1點幾頂唔順 都係訓教了~~~~~~~~~
