今日星期五 8點52分打卡 公司8點57分 嘩 今日鬧鐘響完 我訓返wo 起身個時已經7點40分 勁嚇 勁快整好D野出門口 好彩落到樓下一出門口就有小巴 佢又肯俾我上車~ 最後冇遲3分咋 嚇死嚇死 原本今日星期五要去做GYM 一早約好嫁啦 突然Lunch阿妮又話佢同佩e都唔去做 要去見工-.-"" 咁去見工 我都吹你唔帳啦!!!咁就得返我同老公 仲有麟同耀 (ms就......唉算啦 買俾佢都係咁!!) 咁算啦 上網睇下機票$930加$585連稅加雜費 平過二寶 本身諗住直接買 但阿歡同小妖未整到護照-.-" 好啦 放工去搵老公 阿耀同阿麟都係到 但阿耀要踩返部單車返屋企 阿麟就要返去食飯 我就上去換衫 跟住就出發 又係吉野家打邊爐^^"其實落車個時我就叫左老公打俾阿耀同阿麟嫁啦 點知阿耀真係放飛機 阿麟就話食完飯黎-.-" 因為阿麟既先例都一定係放飛機 所以我同老公勁冇心機 經過戲院 突然大家都話冇心機做 不如睇下有咩戲好睇? 哈哈 咁岩我同老公都勁想睇個套仲有50分鐘先開場 仲要勁平$50一張 當然買啦 買完老公話上去做一陣 沖個涼都好丫 咁我咪陪老公做幾下 9點15分入去沖涼 我9點40分出到黎 點知老公肚痛 仲未得 但老公話阿麟黎左-.-"對唔住 估你唔到!!!! 老公9點55分先出黎 搞到要趕過去 又陪唔到麟 在一次sorry~ 一入場已經開始左啦 勁多勁多好笑位 笑到傻 但後尾可憐 搞到我真係喊左出黎-.-" 好彩之後又冇事 又係勁好笑 條龍仲要勁靚 識發藍色光!!!! 11點幾睇完 搭青山道小巴返深水埗 但因為要同阿歡傾酒店同機票既問題 搞到2點幾先有得訓^^"好彩聽日星期六 返半日~開心!!!!
